بڤی ڕەنگی خۆشیێ ژ ژیانێ بینە
ب، شەیما ڕێکانی:
دەمێ مرۆڤ د ژیانێ دا دکەڤیتە دناڤ ڕەوشەکا ب زەحمەت دا و کار دگەهیتە هندێ کو ئێدی خۆشیێ ژ بچووکترین تشت ژی نەبینیت، واتایا وێ ئەڤەیە کو مرۆڤ پێدڤی ب گۆهۆڕینەکێ یە دا کو دوبارە خۆشیێ د ژیانا خۆ دا ببینیت، ب تایبەتی دەمێ ئەرک و بەرپرسیاریەتیەکا زۆر ل سەر ملێن مرۆڤی بیت و هەست ب ماندیبوونێ بکەت.
ماڵپەڕێ (tickledthink) چەند ڕێکارێن بچووک و مفادار بەلاڤکرینە کو هاریکاریا مرۆڤی دکەن دووبارە خۆشیێ ژ ژیانا خۆ ببینیت ئەو ژی ئەڤەنە:
-1 سەرنجا خۆ دانە سەر وان تشتا ئەوێن تو دشێی کونترول بکەی، نە وان تشتێن کو د شیانێن تە نینە کونترول بکەی.
-2 د ڕوژا خۆدا دەمەکی بۆ بێنڤەدانێ تەرخان بکە و ژ هەموو بەرپرساتیێن ژیانێ دوور بکەڤە.
-3 بلا سەرنجا تە لسەر وان تشتا بیت یێن کو دلێ تە خۆش دکەن، دلخوشیا خۆ نەکە قوربانی بەرپرساتیێن دیتر یێن ژیانێ.
-4 دەستا ژ هندێ بەردە کو بەردەوام لومەیا خۆ بکەی، ڕەخنەیان ل خۆ بگری لسەر بچوکترین خەلەتی دەمێ ئەنجام دەدەی.
-5 ئامادەکرنا ئارمانجێن بچووک وەک فێربوونا زمانەکی، خواندنا پەرتوکەکێ یان نڤێسینێ، هەستەکێ باش و ئەرێنی ددەتە مرۆڤی.
-6 خۆ دانە سەرێ وان تشتێن تو گرنگیێ پێ ددەی، چو جاران خۆ نەدانە دووماهیا لیستا گرنگیدانێن خۆ.
