شـۆڕشـا ئیلۆنـێ بنهمـایهك بوو بۆ دهستكهفتێن ئـهڤـرۆ و سوبـههی
مستهفا مهلا سهلیم ئاكرهیی
شۆرشا ئیلۆنا پیرۆز بنهمایهك بوو بۆ ژ بدهستڤهئینانا مافێن رهوایێن مللهتێ كورد و دهستكهفتێن ئهڤرۆ یێن ههرێما كوردستانێ، شۆڕشا ئیلۆنێ بۆ ستاندهركێ موكم ژبۆ ئێكرێزی و كۆمكرنا ههمی تهخ و تویژێن جڤاكا كوردی ل بن ئالایێ كوردستانێ و سیبهرا پارتی دیموكراتی كوردستان ب سهرۆكاتیا ڕێبهرێ مللهنێ كورد» مهلا مستهفا بارزانی» یێ نهمر كو ههمی ژیێ خۆ د شۆرشێ دا تهرخانكر بۆ دروستكرنا پاشهرۆژهكا باش و سهركهفتی بۆ گهلێ كوردستانێ، شۆڕشا ئیلۆنێ ترسهكا مهزن ئێخسنه د ناڤ دلێ دوژمنێن كوردستانێ دا، دوژمن نهچاركرن كو دانپێدانێ ب مافێن مللهتێ كورد بكهن، ژ وانا بهیانناما یانزدهی ئادارێ وهك دهستكهفتهكا دیرۆكی بوو د دیرۆكا مللهتێ كورد دا و د ئهنجام دا بوو بنیاتهكێ موكم و ب هێز، كو دهرهاڤێژهیێن مهزن ل دویڤ خۆ بهردان ل مافێ ئوتونومی بۆ سیستهمێ فیدرالی كو نهو حوكمهتا ههرێما كوردستانێ تێدا دهربازدبیت بۆ قووناغهكا دی یا باشتر، ههلبهت گرنگییا شۆڕشا ئیلۆنێ، مهزنترین ڕویدان تێدا هاتنه تۆماركرن، ژ وان ههمی كورد ل بن سیبهرا شۆڕشێ كۆمكرن ب ئێك ڕێباز و هزر بهڕهڤانی ل مللهتێ كورد دكر، ههر وهسا ههستا نهتهوایهتی و پاراستنا زمان و كولتوورێ كوردی، دیسا ئهڤ شۆڕشه بوو پشكهكا مهزن ل دیرۆكا مللهتێ كورد دا، لهوما شۆڕشا ئیلۆنێ بۆ هێمایێ خۆڕاگریێ و بهرخودانێ و كاریگهریهكا مهزن كره سهر ڕویدانێن سیاسی و كومهلایهتی، ههر وهسا مللهتێ كورد و دۆزا وێ یا ڕهوا ب ههمی مللهتێن جیهانێ دا نیاسین، دیسان هاندهرهك بوو بۆ موكمكرنا ناسنامهیا كوردستانێ و ب هێزكرنا ههستا نهتهوایهتی د ناڤ مللهتێ كورد دا، ههروهسا بوو بزاڤ و هێلهكا درێژ ههمی تهخێن جڤاكی ل بن ئێك چادر كۆمكرن ب خهباتا پارتی دیموكراتی كوردستان، ههر وهسا فاكتهرهكێ مهزن بوو كو دۆزا مللهتێ كورد كریه دۆزهكا سیاسی یا جیهانی و حكومهتا عیراقێ نهچاركری رێكهفتنا ١١ی ئادارێ موربكهتن و ههمی داخوازیێن شۆڕشا ئیلۆنێ بجهبینیت، ژبلی دهستكهفتێن ئیداری و سیاسی، شۆڕشا ئیلۆنێ بنیاتهك بۆ نڤشێن داهاتی دانا وهك خواندنگهههكا نهتهوایهتی و سیاسی و بهرخۆدانێ بۆ پاشهڕۆژێ، ههژییه بێژین شۆڕشا ئیلۆنێ نه تنێ ڕكابهریهكا لهشكری بوو، بهلكی ویستگهههكا سیاسی و نهتهویی بوو، بۆ چاندنا هزرا نهتهوایهتی و پێگههاندنا نفشهكێ نوی یێ خۆدان بیرو باوهر ب ههستا نهتهوایهتی و ڤهگرێدایی و پاپهند ب وهلات و نهتهوهیێ خۆڤه، ب كورتی شۆڕشا ئیلۆنێ و خهباتا بارزانیێ نهمر وهك دیرۆكهكا تژی داستان و بهرخۆدان د بیردانكا ههر مرۆڤهكێ كورد دا دێ مینیت.
