جەلادێ زیندانـێ گۆت، ئـەز چەند كێڤلان دانمە تـە، دێ هند پەرداغێن ئاڤـێ دەمە تە تو ڤەخۆی
سالار محەمەد دۆسكی:
8-8
دەمێ مە كومبوون كرین گۆتن كەسەك نێزیكی وێ قەسرێ نەبیت دێ مەسعود بارزانی هێتە وێرێ و هەر گۆندەكی بەرپرسێ خوە هەبوو و خودێ ژێ رازی نازی بەرپرسێ مە بوو و ئەوی ئەم بەلاڤە كرین، و پشتی چەند رۆژەكا شنی فوئاد میرانی ل گەل چەند پێشمەرگان هاتنە ناڤ قەدشێ و مە دەست ب كارێن خوە كرن و سپێدێ رابووین هندەك مرۆڤان چ د قەسرێ نەهێلا و چوونە پیرەی و خەلكی بەردایێ چوونە قەسرێن گارەی ژی و ئەم هاتینە بەلاڤەكرن.
هەمان زیندانیێ سیاسی گۆت: پشتی سەرهلدانێ ئەم ماینە گوندی دا و جارەكێ گۆتن 60 كەس خوە دروست بكەن، ئەم دێ بەرەف باژێرێ مویسل ڤە چین و جهێ مەترسی مایە و ئەڤە ل سەرهلدانێ بوو و ئەم چووینە لوریەكێ دا و ئەم گەهشتینە زاویتە پیكەمەك یا ژوورا دهێت و گۆت دێ كیڤە چن؟، مە گۆتێ چینە مویسل گۆتن مام لەشكرێ ئیراقێ گەهشتیە زالگەها دهۆكێ و ئەم چووینە گەلیێ بێسرێ، عەلی شەعبان ئامێدی مستەشار و ئەحمەد باوەركی و مە نێروەیا چار شەهید دان و لەشكرێ ئیراقێ هات و خەلكێ رەڤیت محەمەد بەرپرسێ مە بوو و گۆتە جماعەتێن عەلی شەعبان ئەگەر ئەم رەڤین دێ جهێ مە هەبیت ل گەل هەوە ترۆمبێلێن هەوە دا ئەوان گۆت مە جه نینە و ئەم نێزیكی 40 كەسان بووین و كاودان تێكچوون و فرۆكە هاتن و عەلی شەعبان بریندار بوو و ئەم ب پیا زڤرین و ئەم هاتینە قەدشێ و بیرا من دهێت كەسەك نەمایە ل وێرێ و باب و مامێ من دێ حەیوانێن خوە بەردەن و من گۆت ئەڤە كیڤە چووینە گۆت هەمی خەلك چوون و رەڤین و مە مەتەكا پەككەفتی هەیە و ئەز چوومە مال من هندەك كەل و پەل هاڤێنە ملێ خوە چوومە گەلیێ ئیسفكا و خەلكێ دچیت ل گەلی و مەتا من ل پشتا برایێ من و دێ هوسا بەین و گەهشتمێ و من گۆتێ نەكو دلێ من پێڤە نینە بەلێ ئەگەر مابا چێ تربوو و گەلەكێن بێ چارە ماینە ل گوندی و بابێ من گۆت دێ بەین و من گۆت پا دێ چم هوون ب دلێ خوە وەرن و ئەز ب سەركەفتم هەتا سەرێ ئیسفكا و چووینە دەشتا ئاسهێ و شەفە و قیامەتە و ئاگر هاتینە هەلكرن و دەمەكی مە گولێ بوو و ئێكی گۆت ئاگری ڤەمرینن ئەڤە فرۆكە هاتن وێ سەرمایێ و مە ئاگر تەمراند و ئەم رابووینە سەر خوە و بیرا من دهێت ئاڤ دهاتە خوارێ و من و خودێ ژێ رازی خالد جەهوەر ل وێ تەزاتیێ خەلك دەربازدكر و مە خوە شەلاند و مە ژن و پیر دەربازكرن و دووماهیێ ئەم گەلەك جەمدین و ئەم چووینە دەشتا دیرێ و دوڤدا ئێكێ مەسیحی هات و گۆت رابن فرۆكە هاتن و نەهێلا ئەم رونە خوار و مەتا مە ژی هەر ل گەل مەیە و پشتا مەیە و ئەم چووینە سەر زێری هوسا خەلكێ وێرێ و بارانا دهێت و بەتەنیەك مە ڤەدایە و ئەم پێنچ مال لبن وێ بەتەنیێ ڤەینە و ئاگری هەلكەین و یێ دهێتە ڤەمراندن و نەخوشە و دیكێلا دهێتە چاڤێن مە و رێك نەدامە و خەلك چوون، و ئەلغام تەقین و چەند مرۆڤ شەهید بوون و گەلەك پەككەفتی بوون و پشتی پێنچ رۆژا رێك ب مەهاتەدان، و ئەم چووینە دەشتانێ و پرا گێمانێ و نەتەوێن ئێكگرتی گەهشتنە مە و ئەگەر چ هاریكاریا توركا نەگەهشە مە و فرۆكە دهاتن و خوارن دهاڤێت و پشتی دو هەیڤان ئەم ڤەگەریاینە كوردستانێ.
هەمان زیندانیێ سیاسی گۆت: پشتی سەرهلدانێ بوومە پێشمەرگە لیوا تایبەت و مووچە دانە مە و مووچە كێم بوون و گۆتن خوە ئێكلا بكەن، یان پێشمەرگە یان زیندانیێن سیاسی و مە گۆت دێ زیندانیێن سیاسی هەلبژێرین و گۆتن دێ زێدەبین و هەتا ڤێگاڤێ بڤی رەنگین.
هەمان پێشمەرگە و زیندانیێ سیاسی گۆت: ئەم نەپەشێمانین ل سەر ڤێ خەباتێ و خزمەتا مە بۆ مللەتێ خوە كرین بەلێ حەز دكەم ئەڤ حوكمەتە و حزبە ئەڤ كەسێن خزمەت كرین چاڤێ خوە بدەتێ چونكە بۆ پاشەرۆژێ باشە و رەنگە زارۆكێن مە وەكی مە نەكەت چونكە دێ بێژن بابێ مەكریە و چ بوو نەهاتیەكرن، و ئەو دێ خوە دوورئێخن ژ ئەڤان كاران و رەنگە ئەڤە دێ بیتە نەخوشی بۆ خەلكی و ئەگەر نوكە مرۆڤەكێ مەزن سەرەدانا مالا مە بكەت، كەیفا مرۆڤی دهێت و ئەگەر دو سەرەدانێن مە بكەن، و ئەڤە سروشتێ دونیایێ یە و دێ كەیفا من و زارۆكێن من هێت و دێ نەخوشیا خوە ژبیر كەم، و دێ بێژم بیرا هاتە من كو ئەز هەیم و نە بابەت مادی یە و ئەڤی مرۆڤی قیمەت هەیە و رێز لێ دهێتەگرتن و گەلەك جاران زارۆكێن من بێژنە من بەرهەمێ تە پا كا؟ گەلەك پێ دهێمە ئێشان و ئگەر ئەم ب هیڤیا ڤی مووچەی ڤە بین رەنگە بمرین ژ برسا چونكە تشتەكێ هوسا نادەنە مە ئەم بێی نە خودانكرن و ژیانەكا ب سەرڤەرازی دەرباز بكەین، و ئەم نە پەشێمانین بەلێ خوزی ئەم دیارباین و قودەوە باین چ پێشمەرگە و چ بابێ شەهیدی و چ ئەنفالكری و چ زیندانیێ سیاسی دا ئەڤێن دووف مە دا چاڤ ل مە بكەن، و خزمەتا ڤی مللەتی بكەن و بلا خەلكی ژ خوە نە رەڤیین ورەنگە گەنج هوسا مە بینن دێ رەڤیت ژ ڤی مللەتی چونكە دێ بێژن ئەگەر ئەڤان چ بوو نەهاتبیتەكرن و ئەڤە داخازا مەیە و ئەم نە پەشێماین و ئەم حەز دكەین باشترلێ بهێت و جهێن بەرپرس چاڤێن خوە بدەنە مە و سەردانێن مە بكەن.
