پشتی ب نەچاری و ل ژێر ئەشكەنجەدانێ رێكخستنا خوە ئاشكرا كری 21 سالا هاتە زیندان كرن
سێمێل، سالار محەمەد دۆسكی:
1-9
سدقی عومەر عەبدوللا محەمەد، بەرنیاس ب سدقی تیلەری، ل ناڤەراستا سالێن چلان بابێ وی ژ ناڤ بەرواری یا قەستا باژێرێ دهۆكێ كریە و گوندێ گەڤەركێ و دوڤدا قەستا دولبا خوارێ كریە، وی دەمی گوند نەبوو و ل گەل چەند مرۆڤێن خوەیێن بەرواری كاركریە بۆ ئاڤاكرنا گوندی و چەند مالان پێك هاتبوو.
سدقی عومەر عەبدوللا محەمەد، بەرنیاس ب سدقی تیلەری سەر ب هۆزا بەرواری ژووری سەر ب ناحیا كانی ماسێ ڤە، بۆ رۆژنامەیا ئەڤرۆ گۆت: ل گوندێ دولبێ ژ دایك بوویمە، عەبدلخالق برایێ مەزن بوو، تەیب دوڤدا، ئەز دوڤدا و عەبدلمەناف ژ مە بچوویكتر و عەبدلخالق چوویە بەر دلوڤانیا خودێ و ل گەل دو برایێن خوە دژیانێ دامە.
سدیقی عومەر عەبدوللا محەمەد، بەرنیاس ب سدقی تیلەری، ئەو ژی ئاشكراكر كو پتر ژ حەفتێ سالانە گوندێ دولبێ هاتیە ئاڤاكرن و ئەڤە ل دووڤ زانیاریێن ب دەست كەین و گۆتنێن مرۆڤێن خوە كو ل سالا 1956 بابێ مە هاتیە گوندی و ئاڤاكریە، عەمەر تیلەری مرۆڤەكێ بەرنیاس بوو ل دەڤەرێ و هاتبوو رێكخستن دناڤ رێزێن پارتی دیموكراتی كوردستان دا ل گەل حەجی عەبدلرەزاق بناڤی، محەمەد سەلمان بناڤی بابێ عەزیز مالتایی و رێكخستی بوون و خالد قەساری ئەمر سریێ شۆڕشا ئیلۆن و ل دوف پێزانین و ئەو ئاخفتنێن بوو من هاتینە گۆتن ژ زار دەڤێ خالد قەساری و حەجی عەبدلرەزاق خودێ ژ هەر دوكان رازی بیت، دگۆتن شەرێ چیایێ زاوا ل سالا 1961ێ و دەمێ حوكمەتا ئیراقێ تەقدمەكا مەزن ئینایە دەڤەرێ و شەرەكێ مەزن ل چیایێ زاوا دروست بوو وی دەمی خەلكی چەك نەبوو و تڤەنگ گەلەك كێم بوون، كێم پێشمەرگەی چەك هەبوون ئەگەر كەسەكێ دەولەمەندبا یان ئێك بەرپرس با چەك هەبا ئەگەر چەك بگشتی یێ كێم بوو و دیسا گەلەك جاران خەلكی بخوە چەك دهەلگرت و دبوو پێشمەرگە، وی دەم بابێ من تڤەنگ هەبوو، ژ زاردەفێ خالد قەساری خودێ ژێ رازی بیت بابێ من ل شەرێ چیایێ زاوا بریندارێ ئێكێ بوو، و هەڤالێن وی گۆت وی دەمی گەلەك یا بزحمەت بوو و ژ بەر دوژمنی مە بابێ تە ب وێ برینێ ڤە رەوانەی مال كر و بابێ تە ل مال و هەڤژینا وی هاری دكر و دەستێ وی بۆ دەرمان دكر و كاودان وی دەمی گەلەك بەرتەنگ بوون و نەدشیا ببنە نوژدارەكی یان كەسەك بهێتە مال بۆ دەرمان بكەت چونكە كاودان گەلەك دنهێنی بوون ژ بەر دوژمنی، دیسا مێژوونڤێس وەسفی حەسەن ڕدێنی، بەری چەند سالا دوڤچوون كر بوو و دڤەكولینێن ڤی مێژوونڤیسی دا ژی ئاماژە پێ هاتیەكرن كو بابێ من عومەر تیلەری بریندارێ ئێكێ بوو ل شەرێ چیایێ زاوا ل سالا 1961 .
سدقی عومەر عەبدوللا محەمەد، بەرنیاس ب سدقی تیلەری، هێشتا گۆت: وەك پێشتر مە ئاماژە پێكر ل ڤی گوندی هاتیمە سەر دونیایێ و ئەف گوندە یێ بەرنیاسە ب چاندنێ و ئێكەم گوندە ل پارێزگەها دهۆكێ هەر هەمی گوند یێ ئاڤی یەو دێم گەلەكێ كێمو پتر ژیانا خەلكی ل سەر فێقی و چەم و رەزانە و ئەگەر ئێك شیابیت بخوە ئاژەلەكی ژی خودان بكەت، ئەگەر ژ روویێ شۆڕشێ ڤە نێرینێ لێ بكەین گوندێ دولبا خوارێ یێ بەرنیاس بوو ب پارتیاتی و دلسوزیێ و پێشمەرگێن وی سەر دەمی و ل ڤی گوندی ژیاین ئێك ژێ عەبدلخالق تیلەریێ برایێ من خدێ ژێ رازی بیت، سەعید سپینداری، مستەفا، رەمەزان، سلێمان، گەلەكێن دی و ل شۆڕشا گولانێ عومەر، شەعبان، عەمەرەكێ ، سالح، ئەحمەد، گوند ب گشتی یێ بەرنیاسە ب وژدان و دلسوزیا خوە بۆ مللەتی و گەلەكێ پاقژ بوویە و كورد پەروەر بووینە.
سدقی عومەر عەبدوللا محەمەد، بەرنیاس ب سدقی تیلەری، زێدەتر گۆت: پشتی هەوا ئەنفالا ژ كەمپا دیاربەكرێ ل دەسپێكا سالێن نوتان ڤەگەریایمە كوردستانێ هاتم ئەف گوندێ دولبا خوارێ یێ خراب كری بوو و سێ جاران هاتیەخرابكرن و پشتی ئەم هاتین ل دوف شیانێن خوە و هێدی هێدی ب هەژاری و دەست كورتی جارەكا دی مە دەست ب ئاڤاكرنا گوندێ خوە كرە ڤە و هندەك بلوك و كەل و پەل مە لێكدان و ب هاریكاریا چەند هەڤالان وی دەمی رێزدار عەبدلعەزیز تەیب پارێزگەرێ دهۆكێ هەڤال و برادەرێ من بوو ل چیایی و مرۆڤەكێ جامێر و كەسەكێ دلسوز بوو و ب هاریكاری و پشتەڤانی یا چەند هەڤال و برادەران و هەر خێزانەكێ بخوە كولكەك دروستكر و هێدی هێدی هەتا بەرفرەه بووی وی دەمی هەتا گوند بەر فرەه بووی و هەتا دووماهی یا سالێن نوتان ژی بتنێ بەرواری ل ڤی گوندی بوون و كەسەكێ دی ل ڤی گوندی نەبوون و دا ژ بیر نەكەم هەر ل سالێن پێنجیا مالەك دو یێن مزیریا ژی ل گەل مە دا هاتبوون بەلێ مە چ جاران ئەو هزر نەكریە ئەڤە كوچەر یان بەرواری یان مزیری یە بەلكو هەر هەمیان پێكڤە ژیان دەربازدكر وەكی برا ل گەل ئێك و دو دژیان، ل سالێن 1998 و هێر ڤە مە بزاڤكرن و مە فەرمانا هندەك خانیێن دی بۆ گوندی ب دەست خوە ڤە ئینا و گوند بەرفرەه بوو و خەلكێ دی ژی هات و گەلەك ژ مرۆڤێن مە عەردێن خوە فرۆتن و خەلكێ دی ژی هاتن و گەلەك ژ خەلكی بخوە بیستان و چەم و رەز كرین و كرنە جهێن بهێنڤەدانێ و گەلەك خەلك نوكە گوندی دا هەنە.
سدقی عومەر عەبدوللا محەمەد، بەرنیاس ب سدقی تیلەری، بەحسێ ژیانا خوە یا ل گەل شۆڕشێ كر و گۆت:
