پشتی چـار سالێن تەناهی و خۆشیێ حوکمەتا ئیراقێ ل سالا ١٩٧٤ ژ سۆزێن خوە لێڤەبوو
سێمێل، سالار محەمەد دۆسكی:
3-9
ئەز چوومە دەف پێشمەرگا و ئەو چوو دەف ئەسعەد خوشەڤی روینشتە خوارێ، من بیروباوەریێن بهێز سەر كوردینیێ هەبوون چونكە باب و برایێن من حەز ل سەر كوردینیێ هەبوو و گوندێ مە حەژێدكر و دەمێ من دیتی ل دەف ئەسعەدی یێ روینشتی یە و ئەز رابووم چوومە بەرامبەر و من خوە نیشادا دا من ببینت و دا بهێتە بیرا وی و دەمێ محەمەد عەلی ئەز دیتیم ل گەل ئەسعەدی ئاخفت و من سلاڤ كر و ئەسعەد گۆت لاوكو ت گەلەك بخێر هاتی و گۆت توزانی بۆچی من گازی تەكر من گۆتێ نەخێر گۆت محەمەد عەلی گۆت ئەڤە چەند هەیڤە یێ بێ تڤەنگە و گۆت هەرە مال گۆت مالا تە ل كیڤە یە؟؟ من گۆتێ ل ناڤ بەرواری یا ل ئاسهێ و گۆت هەرە و ئەگەر چەك بوومە هات دێ تە داخاز كەم و دێ تڤنگەكێ دەمە تە و چ بێژمە ئەسعەدی باشە؟؟ من گۆتێ ئەزبەنی ئەگەر چەك هات ئەز دێ هێمە بیرا تە و جابا من فرێكەی؟؟ و ئێكی دێ فرێكەیە ناڤ بەرواری یا وچەكەكی دەیە من و من گۆتێ بخودێ پێ خوە نا هاڤێژم و كرە كەنی و محەمەد عەلی گۆت بخودێ نە چوو و ترۆمبێلەكا جێب ئینا و ئەم لێ سوار بووین و ئەم هاتینە چەپێن سندورێ و رەحمەتی نوری شێلازی هەبوو و ئەو توپ چی بوو و ل وێرێ بوو جەرباند و ساروخەك ل رەبیا كێلیا شەدایێ وەركر و ئەم هاتین و ماوەكێ دی پێڤە چوو حەیرانی ل گەل خوە برم و ماوەكێ دی پێڤە چوو محەمەد عەلی ل گەل خوە برمە گوندێ بادێ دەف سەلیمی و ئەم چووین دەف و دەمەكی گازی من كر و سەلیمی ئەسعەد گۆتە ئێكی هەرە تڤەنگەكێ بینە گۆت لاوكو ئەڤە تڤەنگ بووتە و من گۆتێ كا رەخت ما دێ بێ رەخت بیت گازیكر گۆت كا رەخت ئێك بوومن ئینا و من رەخت كرە پشتا خوە و برنویا خوە ب مللێ خوە ڤە كر و ئەز و محەمەد عەلی پێكڤە هاتینە و نیڤ دەمژمێر مایە بۆ مەغرەب و من گۆتێ خالێ محەمەد ئەز بچم هەتا تو بهێی وسا ئەشق بوومن چ بوو كو بوومە خودان تڤەنگ، محمەد عەلی ئامر سریێ منە و ل گەل هاتیمە و چەوا وی بتنێ بهێلمە ل وێرێ و بیرو باوەر و كەیفێ من گرنكتر وەرگرت و ئێكسەر كرە كەنی و گۆت مام و ئەز تو هەڤالێن ئێكین ئەم دێ پێكڤە چین ما دێ من هێلی؟؟ من هزرێن خوە كر و من گۆت شاشی یە پێلم و پشتی كارێ وی ب دووماهی هاتی ئەم پێكڤە زڤرینە سپی رێزی و هاتمە دەف هەڤالێن خوە و من گۆتێ تڤەنگەك دایە من و كەیفا مە هەمیان پێكڤە هات و ئەم ماوەكی ماین رەش برنو هەبوون و رەش بڕنویەك ئینا بۆ سریێ هەمیێ ، خودێ ژێ رازی بیت محەمەدێ سوفی عەلی هدێنەی گوندێ بەرواری یا مرۆڤێن مە بوو و ژ من مەزنتر بوو و زەلامەكێ پەیت بوو و یێ زیرەك بوو گۆتێ دێ ئەڤە بووتە بیت تو مرۆڤەكێ زەربە دەستی و گۆتێ دێ تو هژمار دووبی و بتنێ ناڤ و ئەو دێ هەلگریت و بوومە عددێ ویێ رەش برنوویێ وی دەمی دا پێنچ دینار دهاتن بۆ چەكێ گران سێ دینار دانە وی و دو دینار دانە من وەك هاریكارێ وی و ئەگەر شەرەك چ ببا و ئەو بریندار ب با یان ل وێ رێ نەبا دڤێت ئەز ل جهێ وی بام و من ب وی چەكی شەركربا وەك یەدەك و گەلەك جاران من دگۆتێ بدەف من دا بێژیت دێ وەرە ماموو دێ وەرە نا دەمەف تە و بیرا من دهێت بۆ دەسیتردان و ئەم چووین مە دەستیران وەرگرت و ئەم پیا چووینە ناڤ بەرواری و ئەم چووینە دەستیردانێ و ماوەكی مە كارێ خوە كر و ماوەكی ئەم ماینە ل گوندێ ئاسهێ و جاب هات نەچنە جەبهەكی نەكسە ب مللەتێ كورد كەفت و ئەم نە چووین و خەلك زڤرین و خەلك عاجز بوو ب سالان خوینێ ب رێژی بتنێ چەند دەمژمێران دا خیانەت ل مللەتێ تە بهێتەكرن، و ئەو شۆڕشە هەمی ب راوستیت راستی گەلەك یا نەخوش بوو و ئەم چەند رۆژا ماین وی دەمی عادل بەگێ بەرواری نوكە یێ ساخە وی دەمی مالا وی ل سەرەرو بوو و برایێ وی خودێ ژێ رازی بیت ناسر بەگێ ل گەل حوكمەتێ بوو و پەیوەندی كر و گۆتە عادلێ برایێ خوە دێ هێمە بامەرنێ بەراهی یا هەوە و ئەم هاتینە سەرور و كوم بووین و ئەو ژ هات و ئەم گەلەك بووین و هەر هەمی بەروراری بوو و عەلیێ مەدینایێ و ئەحمەد شانە بناڤۆدەنگ بوون و كەسێ ئێكێ بوو ل ناڤ بەراوری یا ل شۆڕشا ئیلۆنێ ئامر هێز بوو و كەسێ ئێك بوو وعەلیێ مەدینایێ یێ قومری بوو هاریكارێ وی بوو و ئەم گەهشتینە گەلیێ دەرگەلێ و ئەم دێ چین بوو بۆ بامەرنێ و ناسر بەگ دێ هێتە بەراهی یا مە و ل وێرێ عەلیێ مەدینایێ و ئەحمەد شانە هروری و چوونە گوندێ دیلكا و چوونە سەرێ ئامێدیێ و بەرەف ئیرانێ چوون و خوە رادەستی حوكمەتێ نەكر، و ئەم ژی چووینە بامەرنێ و ناسر بەگ هاتە بەراهی یا مە و ئەم ل ترۆمبێلا سوار بووین و ئەم هاتینە دهۆكێ و ئەم چووینە لیوایێ جهێ سوپرماركێتا مازی یا نوكە لیوا لەشكری وێرێ بوو و مە چەكێ خوە ڕادستكر و ماوەك دەربازبوو و گازی مە كر و هەر ئێك ژ مە 50 دینار بەرامبەر چەكێ وی دانێ و ڕادەستكرنا چەكی گەلەك یا نەخوش بوو، تو ب سالا خزمەت و خەبات و خوینێ ب رێژی و شنی چەكێ خوە رادەستی دوژمنێ خوە بكەی و مرۆڤەكێ مە ل گەل ناسر بەگێ بوو و یێ زەلام باش بوو و خودێ ژێ رازی بیت یێ وەغەركری و گەلەك نێزیكی مە بوو و چەتە بوو ل گەل بوو، برایێ من عەبدلخالق یێ چەلەنگ و زیرەك و ئەو ژی ل گەل مە بوو لنك دلێ خوە ئەوێ مرۆڤێ مە ل بامەرنێ گۆتێ دەمێ چووینە سەرو تویێن ئێك و دو گۆتێ من هوین ئینان یان نە و گۆتە برایێ من و لدووڤ دلێ خوە یاری كرن و زەلامەكێ بەركەفتی بوو و لێ زڤری و گۆتێ ئەڤە گەلەك ژ من و تە و گەلەكێن دی مەزنتر بوو و ئەڤە كودەتایا نێڤدەولی بوو ئەگەر هزارێن وەكی تە و حوكمەتا تە نەشیان چارێن وەكی مە لێ ڤی چیایی را و ئێكسەر زانی برایێ من عاجز بوو و گۆت مام سحبەتێ ب تە دكەم، سالا 1975 گەلەك یا نەخوش بوو و زەلامان كرە گری چونكە رادەست بوون بۆ مرۆڤی یا نەخوش بوو و تەبڤێت نەڤێت دەمێ چەكێ خوە ب مللێ خوە ڤە دكەی و قەستا دوژمنێ خوە بكەی مرۆڤ وەكی ئێخسرەكێ وی لێ دهێت و ئەو وژدانا خوە ل گەل مرۆڤی بەعسیێن ئەفلەقی ژی چ وژدان نەبوو و ب هەر ئاوایەكی مە خوە رادەستی دوژمنی كر و ئەم هاتین و ئەم هاتینە سەر گوندێ خوە دلبێ و جارەكا دی مە گوندێ خوە ئاڤاكر وی دەمی زگورك بووم و من درەنگی ژن ئینا .
