پشتی چـار سالێن تەناهی و خوشیێ حوکمەتا ئیراقێ ل سالا ١٩٧٤ ژ سۆزێن خوە لێڤەبوو
سێمێل، سالار محەمەد دۆسكی:
4-9
سدقی تیلەری هەروەسا گۆتژی: ل سالا 1977ێ ل گوندی مە دەست ب رێكخستنێن نهێنی كر ل گەل جماعەتێ، ل سالا 1977 ل گەل مستەفا مەرینی ئەم بووینە حزبی و مستەفا مەرینی یێ بەری وی دەمی و دەمێ نهێنی كومەك بوو( رەمەزان سلێمان) بوو بەرپرسێ رێكخراوێ بوو، ناڤێ رێكخراوێ بیرا من نەمایە( مەلا عەبدلكەریم، سەعید سپینداری، عەبدلخالق) ئەڤە پشتی دیار بووینە و ئەگەر كەسەك ژ مە نەنیاسین بەلێ وەك سەركردایەتی یا رێكخراوێ ئەوا ئێك و دو نیاسی و بەرپرسێ رێكخرا (رەمەزان سلێمان) هاتبوو دەستەسەركرن و ل زیندانا ئەبو غورێب بوو و دەمێ ئەم رەڤین وی دەمی گەلەك ئەشكەنجەدا و نەچار بوو هەڤالێن خوە ئاشكراكرن، و 21 سالان زیندانكرن و دەمێ ئەم چووینە توركیا و سەدامی لێبورین دەركر و جارەكا دی رەمەزان هاتە سلال و پشكدار شەردادكر و ل دووڤ پێزانیێن من رەبیا بێبادێ ئەوا رێكا ئامێدیێ ل دەف جماعەتێن د. رۆژی راكر، سالا 1977 ئەم 12 كەس ژ ئەڤی گوندی چووین وەك پێشتر من ئاماژە پێكری دەمێ بەرپرسێ رێكخراوێ هاتیەگرتن، عەبدولخالق و سەعید ژی هاتنە گرتن و ئاشكرابوون و كەسەك ل گەل مەبوو و چوویە بەردلوڤانیا خودێ و مالا وی ل قەسارا بوو و رێكخستی بوو و شەڤ ئەم دا رەڤین ژ ڤێرە دەركەڤین ئەو ژی هاتە دەف مە و مە گۆت ئەو هاتیە ڤێرە چ؟ و ئەم پێكڤە چووین و ناڤێ وی جەمیل بوو و رێكخستی بوو و مە نەدزانی و پشتی هاتی مە شنی زانی ئەو رێكخستی یە، هێز هاتنە دەردورێن گوندی مە بگرن و ئەم ب سەركەفتینە باخورنیف و لینافا نوكە ژی ئەم و لیناڤایی خال و خارزایێن ئێكین و تاهر لیناڤایی هەیە و خوش زەلامە و ئەم مرۆڤێن ئێكین و ئەم چووینە دەف وی و مە زانی ئەو رێكخستی و دەمێ ئەم چووینە دەردورێن باخورنیف و لیناف و جەمیل ئەوێ من گۆتی ژ قەسارا هاتیە ئەو مرۆڤێ 13ێ بوو گۆت دێ ڤەگەرمە ڤە و مە گۆتێ نەزڤرە و ئەفە ئاخفتنا وی یە و گۆت ئەز نەشێم خێزانا من دەستێ دوژمنان دا بیت و ئەز دێ زڤرمە ڤە و چوو قەسارا، عەبدلخالق و سەعید نەهاتنە دەستەسەركرن و كەسەكێ ژی چ ژ ئەوان نەزانی چوون كارێ خوە كر وەكی بەرێ هەتا وەغەرا دووماهیێ كرین و ئەگەر عەبدلخالق و سەعید هاتبانە دەستەسەركرن وی دەمی دا و هاتبانە ئەشكەنجەدان و رەنگە ئەم هەمی هاتباینە دەستەسەركرن و چوونا مە بۆ دەرڤەی گوندی ئەگەرێ هاتنێ بوو و دەمێ رەمەزان و هەڤالێن وی هاتینە دەستەسەركرن، عەبدلخالق گۆتە هەڤژینا خوە ئەگەر دنیایە هندەك بهێنە گوندی و ب جلكێن ئەفندی بن و پرسیارا مە بكەن مە نیشا نەدەن وی دەمی مە ماتور هەبوون و عەرد دەستێ مە دا و كارێ چاندنێ مە دكر و عەبدلخالقی گۆتی بێژنێ چووینە بەغدا و كەل و پەلان بۆ ماتوری بینن و مە نیشانەدەن، ژن برا وی دەمی چوونە سەر كانیكێ ئاف بۆ ڤەخوارنێ و مالێن خوە تینان و بابێ من ژ دهۆكێ هاتبوو و چوو بوو سەحكرە هندەك كەسان كو هاریكاریا وی بكەن بەلكو بهێتە ئازادكرن و عەبدلخاق هاتیە دەف بابێ من پرسیارا ژێ بكەت و هەمان دەم دو كەسێن ئەمنێ هاتینە گوندی و ل دەف موختاری بوون و گۆتە موختاری دا بچینە دەف عەبدلخالقی مە كار پێ هەیە و دەمێ دا هێن ژن برا من ژ كانیێ دهات و جلكێن ئەفندی ل بەردانە و دهێن ئێكسەر ژن برا من هات و گۆتە هەژینێ خوە بابەت بڤی رەنگی یە و دو مرۆڤێن غەریب ل گەل موختاری نە و دیارن نە دروستن و ل گەل موختاری نە و عەبدلخالق ژ دەف بابێ من دەركەفت و ئێكسەر خوش چوو، دەمێ گەهشتینە دەف بابێ من و سلاڤ كرێ موختاری گۆتێ كا عەبدلخالق؟، بابێ من گۆتێ چوویە مویسل تشتا بۆ ماتوری بینت و ئەوان هەر دو كەسان ب عەرەبی گۆتە موختاری دا بچینە دەف سەعید سپینداری، مە گركەك ل ناڤ چەمان هەیە دبێژنێ گركێ كەراخا و سەعید یێ بترس بوو و هەردەم چوونە وێرێ و ترسیان و چوونە مالا سەعید سپینداری و پرسیار ژ خێزانا وی سوهیلا رەحمەتی كر و كا سەعید؟ گۆتێ نوزانم كیڤە چوویە، چوونە گركێ كەراخا، ل وێرێ موختاری ئاقل خەرچكر و مرۆڤەكێ باش بوو و گازی كرە سەعید و گوتێ تو كیڤی مێهڤانێن بووتە هاتین و ئەڤە ئاخفتنەكا باش بوو گۆتی و ئەوا ل وێرێ هزرێن خوە كرن و حسابا خوە كر و كەسەكێ دی ژی ل گەل بوو بناڤێ عەبدالرحمان ئەوژی رێكخستی بوو و هزرا خوە باش كر و خوە ڤەشارت و تشتێ باش نێزیكی مەغرەب بوو و شەف ب سەردا هات و هاتنە گوندی و گۆتن سوباهی دێ زڤرینە ڤە و هاتن چوو و هەمی ل حەوشا مە ڤە كومبوون و ئەم ب رێكەفتین و ئەم گەهشتینە جهەكێ بلند ل دورێن گوندی مە دیت چەند ترۆمبێل ژ سێمێلێ هاتن و چاڤێ مە لێ و قەستا گوندی كرن و ئەم چووین و خێزانێن برایێ نمە رۆژا دوڤدا دەرخستن و ئەم چووینە ناڤ بەرواری یا و گوندێ هدێنە و عەلی عوبەیدوللا مایی هەبوو چوویە بەر رەحما خودێ و بەرپرسێ رێكخستنێ بوو ناڤ بەرواری یە و ئەگەر زانیبا رێكخستی یە دا كاغەزا رێكخستنێ بۆ ماجد چەلی فرێكەت و ئەگەر كاغەز بۆ ماجد چەلی چووبا كو ئەڤ كەسە رێكخستی یە ئەو كەس دا ل وێرێ هێنە حەواندن نە ل چەلێ بەلكو دێ ناڤێن گەلەك گوندان بێژم، بیادرێ، گیزەرە، زاویتە، گێمانێ، مێرگانێ، گەلوكی، ئاشیتێ، ئاروشێ، ئەلەمینێ، گەرەمیسێ، شیف رەزانێ، سەرێ سپی، ئاڤا مفتێ، ئەڤە هەمی گوندێن دەڤەرێ نە و سەر ب قەزا چەلێ ڤە بوون وی دەمی ماجد چەلی رێڤەبەرێ باژێرڤانیا چەلێ بوو و ئەندامێ سەركردایەتی یا بەروەخت بوو و ئاغایێ پنیانشیا ژی بوو ب سێ ئەركان رادبوو ، مەزانی پۆستەچیێن مە ل كیڤە نە و رێكخستیێن مە ژی ل كیڤە نە، رەحمەتی عەبدلقادر هدێنەی بەرواری چوو بوومە كاغەز ئینا و ناڤێن مە ل سەرنڤیسان و گوت.
