خولەكا سیرامیكی بۆ 24 مامۆستایان هاتە ڤەكرن
بێوار بداغ،، بەرپرسێ چالاكیێن قوتابخانەیان ل رێڤەبەرییا گشتی یا پەروەردا پارێزگەها دهۆكێ، بۆ رۆژناما ئەڤرۆ گۆت: مە خولەكا هونەرێ سیرامیكێ بۆ 24 مامۆستایان ڤەكرییە، مامۆستایێن پشكدارێن وێ خۆلێ یێن هەر دو پەروەردێن دهۆك رۆژهەلات و رۆژئاڤا بوون، ل گەل دو مامۆستایێن پەروەردا قەزا سێمیلێ و مەرەم ژ ڤەكرنا ڤان خۆلان ئەوە، كو لێك نێزیكبوونەك دناڤبەرا وان مامۆستایان پەیدا ببیت و شیانێن وان یێن هونەری ژی دێ باشتر لێ هێن دێ فێری كارێن نووتر بن.
ناڤهاتی گۆت: مامۆستایێن هونەری دیتنەكا دی بۆ ژیانێ هەیە، ژبەر هندێ ژی ئەم ڤان جۆرە خۆلان بۆ وان ڤەدكەین، دیسان ژی ئەو مامۆستایێن پشكداری د ڤێ خۆلێ دا كری، تایبەتمەندیا وان شانۆ و شێوەكاری و سیرامیك بوویە، مە دڤییا شیانین مامۆستایێن هونەری پێشبێخین و ئەڤ خۆلە بۆ دەمێ 15 رۆژان دێ یا بەردەوام بیت، ئەو كارێن وان مامۆستایان چێكرین ژی، پڕانیا بابەتێن وان نەتەوەیی بوون، ل گەل چەندین بابەتێن دی و دێ هەموو بزاڤان كەین كو ئەڤ جۆرە خۆلە بۆ مامۆستایان د بەردەوام بن.