مازدا ل سهر سیستهمێ خوه یێ كهڤن دێ یا بهردهوام بیت
د دهمهكی دا كو پتریا كومپانیێن جیهانێ ب لهز بهر ب بهرههمهئینانا تهمام یا كارهبایی ڤه پێنگاڤان دهاڤێژن، كومپانیا مازدا (Mazda) یا ژاپۆنی ب فهرمی راگههاند؛ چو پلانێن نێزیك نینن بۆ دهستبهرداربوونێ ژ بزوێنهرێن كلاسیكی یێن سۆتنا ناڤخوهیی (ICE – بهنزین و دیزل).
مۆریتز ئۆسڤالد، رێڤهبهرێ پلانگێرییا مازدا ل ئورۆپا دوپاتكر كو ترۆمبێلا كارهبایی ب تنێ چارهسهری نینه؛ بهلكو خواست ل سهر بزوێنهرێن بهنزین و دیزل ل زۆربهی بازارێن سهرهكی یێن جیهانێ (ب تایبهت ئهمریكا و ژاپۆن و رۆژههلاتا ناڤین) هێشتا ل لوتكێ یه لهورا مازدا ل جهێ ب دووماهیئینانا بهنزینێ، دێ بهردهوام بیت ل پهرهپێدانا بزوێنهرێن خوه و باشتركرنا مهزاختیێ ب رێیا تهكنۆلۆژییا زیرهكا هایبرید.
بۆچی ئهڤ بڕیاره ب تهمامی د بهرژهوهندییا شوفێرێن ئیراقێ و ههرێما كوردستانێ دایه؟
گونجاندن ل گهل ژێرخانا ناڤخوهیی: ل باژێرێن ئیراقێ و ههرێمێ كو كێشهیا كارهبایێ و نهبوونا وێستگههێن شهحنكرنێ ههیه، ترۆمبێلا تهمام كارهبایی هێشتا ل دهڤ بكاربهری دلگرانیێ دروست دكهت، مانهڤا بزوێنهرێ بهنزینێ گونجاوترین و بێ كێشهترین بژاردهیه بۆ سهفهرێن درێژ و هاتنوچوونێن رۆژانه.
باوهرپێكری و تهمهندرێژییا ژاپۆنی: بزوێنهرێن مازدا (زنجیرا Skyactiv) ب بهرگهگرتنا بلند، كێمییا كێشهیێن میكانیكی و كاركرنا باش د گهرماتییا هاڤینێ دا یا بهرنیاسه، ئهڤه ژی وه دكهت پارچهیێن یهدهگ و بهایێ پاش فرۆتنا وان (Resale) د بازارێ دا ب جێگیری بمینن.
رهتكرنا فشار و كێشهیێن بهنزینێ: مازدا رژدیێ ل وێ چهندێ دكهت كو بزوێنهرێن نوو یێن خوه ب شێوهیهكی دادڕێژیت كو زۆرترین ئالۆزی و كێمترین مهزاختنێ بهرههم بینن بێی كو كێشهیێن مهزن د گهل ئۆكتانێ دروست بكهن.
