تۆیۆتا کۆرۆلا 2028 ب وەشانا ته‌مام کارەبایی
ته‌كنۆلۆژيا:
کۆمپانیایا تۆیۆتا یا ژاپۆنی ئامادەکارییان دکەت بۆ به‌رچاڤكرنا نفشه‌كێ ته‌مام نوو ژ ترۆمبێلا خۆ یا ئەفسانەیی “کۆرۆلا”، کو چاڤەڕێ دهێته کرن هه‌تا ده‌ستپێكا سالا 2027 ب فەرمی بەلاڤ ببیت و ب مۆدێلا 2028 بکەڤیتە بازاڕی.
ب گورەی راپۆرته‌کا گۆڤارا ناڤدار Car & Driver، ئەڤ نفشه مەزنترین و بوێرترین گۆڕانکاریه د مێژووا پڕفرۆشتترین ترۆمبێلا جیهانی دا تۆمار دکەت.
ب گورەی نووچه‌يێن به‌لاڤبووين، تۆیۆتا بڕیار دايە کو د نفشێ داهاتى دا دەستبەرداری شێوازێ کلاسیکی یێ سیدان (Sedan) ببيت و شێوازێ “لیفت باک” (Liftback) پەیڕەو بکەت، کو تێکەلەکە ژ جوانيا سیدان و کریارکرنا هاچباکی.
ئەڤ پێنگاڤه بەشەکە ژ پلانەكا سەرۆکێ جێبەجێکار یێ تۆیۆتا بۆ کێمکرنا هژمارا مۆدێلێن هه‌ڤشێوه و بلندکرنا قازانجێن کۆمپانیایێ د بازاڕی دا. دیزاینا ڤێ ترۆمبێلێ ئیلهام ژ چەمکێ (Corolla Concept) وەرگرتییە، یێ کو ل پێشانگەها مۆبیلیتا ژاپۆن ٢٠٢٥ هاتبوو نیشاندان.
چار سیستەمێن لڤينێ یێن جودا؛ بۆ ئێکەمجار وەشانا تمام کارەبایی.
نفشێ نوو ب به‌رفره‌هترين بژاردەیا بزوێنەری د مێژووا خۆدا پێشکێش دکەت:
بەنزین: بزوێنەرێ چار پستۆنی یێ تۆربۆ ب قەبارەیا 5.1 لتر یان 2.0 لتر.
هایبرید (Hybrid): بزوێنەرێ نوو یێ 5.1 لتر ب شیانەکا گشتی یا 134هه‌سپ، کو ب ئاوایەکێ بەرانبەر نفشێ نها ب رێژەیا ٪10 بۆ ٪20 د بکارئینانا سووتەمەنیێ دا دەست پێكترە، د گەل بژاردەیا (AWD).
پلاگ-ئین هایبرید (PHEV): پاترییەکا مه‌زنتر و ماتۆرەکێ کارەبایی یێ بهێزتر ل خۆدگريت بۆ برێڤەچوونا مەودایەکا درێژتر ب وزەیا کارەبایێ.
تمام کارەبایی (EV): بۆ ئێکەمجار د مێژوويێ دا، کۆرۆلا ب مۆدێلا ٪ 100کارەبایی بەردەست دکەڤیت، کو بژاردەیا دو ماتۆر و چارچەرخەجوولەیێ دێ هەبیت و مەودایێ بڕینا وێ ب ئێک بارگاویکرن ژ 402 کیلۆمەتران (250 میل) کێمتر نابیت.
بۆ حەزژێکەرێن خێرایی و نمایشێ، کۆمپانیایا تۆیۆتا وەشانا وەرزشی یا GR Corolla بهێزتر لێدکەت؛ ژ بڕیا بزوێنەرێ 3 پستۆنی یێ نها، بزوێنەرەکێ چار پستۆنی یێ 2.0 لتر یێ تۆربۆ بۆ دادنێت کو شیانێن وێ دگەهنە 395 هه‌سپ، ئەڤ چەندە ڕاستەوخۆ وێ دکەتە هه‌ڤركه‌كا سەرسەخت بۆ هۆندا سیڤیک Type R و گۆلف R.
ئەڤ مۆدێلە ل سەر وەشانا نووکریا پلاتفۆرمی TNGA-C دهێتە دروستکرن دا کو شیان هەبن د هەمان دەمی دا کێشا ترۆمبێلێ کۆنتڕۆل بکەت و پشتەڤانیا هەموو جۆرێن بزوێنەران بکەت.
تۆیۆتا د وێ دەمى دا ئەڤ گۆڕانکارییا مەزن دکەت کو تنێ د شەش مەهێن ئێکەمێن سالا 2026 دا زێدەتر ژ 131 هزار کۆرۆلا ل بازاڕێ ئەمریکا دا فرۆتینە (+ 9.5 ٪ گەشە)، لێ ئارمانجا وێ ئەوە کو پێشەنگیا خۆ ل بەرانبەر شەپۆلا فراوانا ترۆمبێلێن کارەبایی یێن چینی بپارێزێت.
