سترانا ڕەش و سپی ئەزموونەكا نوویە
رەمەزان زەكەریا
هونەرمەندێ بەرنیاس (ماهر محەمەد ئەمین) ڤیدیۆكلیپەكا نوو ب ناڤێ (رەش و سپی) بەلاڤكر و د دیدارەكێ دا بۆ رۆژنامەیا ئەڤرۆ گۆت: سترانا من یا نوو ژ پەیڤێن (قوبادی جەلیزادە) ینە و من ئاواز بۆ دانایە، د. نەهرۆ زاگرۆس دابەشكرنا مۆزیكا بەرهەمی ئەنجام دایە دەرهێنانا كلیپێ ژی ژلایێ هونەرمەندێ خودان شیان دەروون قەرەداخی ڤە هاتییەكرن و هونەرمەند وەلید جاف بكاری ژیریا چێكری و مۆنتاژا كلیپێ ئەنجام دایە.
ناڤبری گۆت: سترانا رەش و سپی نووترین سترانا منە و ئەزموونەكا نوویە بۆ من ب دیتنا من د سترانا كوردی دا ژی زۆر ب كێمی كار ل سەر ڤی جۆرێ فۆرم و ناڤەرۆكا هەلبەستێ هاتییەكرن ژ ڕوویێ میلۆدی و دابەشكرنا مۆزیكێ ژی ڤە كارەكێ جودا و باش هاتیەكرن و جهێ شانازی و خۆشحالیا منە هەلبەستڤانێ مەزن قوبادی جەلیزادە كو خودانێ هەلبەستا سترانێ یە د كلیپێ دا ژی پشكدارە.
