ئەم پێدڤی ب شۆڕەشەكا رەوشتینە
سەلاح سندی
رەوەشت كەسایەتیا مرۆڤی یا راستەقینە دیار و ئاشكرا دكەت دگەل دەربازبوونا دەمی ب تایبەتی ل دەمێ كاودانێن سەختێن ژیانێ یان دەمی مرۆڤ تورە دبت، رەوشت ئەو دڕ و ئەلماسا گران بهایە ب مالێ جیهانێ هەموو ناهێتە كڕین و فروتن، كەسێن خودان رەوشت بەرز ل دەڤ جڤاكی كەس و كارا و هەڤال و هوگرا خۆشتڤی نە و جهێ رێز و باوەریا هەموویانە، كەسێن بێ رەوشت دروست بەرۆڤاژی نە دناڤ جڤاكی دا، مخابن كەسێن بێ رەوشت ل سۆشیال مەدیایێ گەلەك كەس هەڤالینی و پشتەڤانیا وان دكەن، ئەو ژی بەردەوام بێ رەوشتیا خۆ ل سۆشیال مەدیایێ بەلاڤ دكن، ئەم پێدڤی ب شۆڕەشەكا رەوشتینە دژی بێ رەوشتا و دژی ڤێ پێل و ڤایرۆسا بەربەلاڤ ب تایبەتی بێ رەوشتا كچە مۆدیل كەسێن هیچ و پیچ و بێ رامان چ ڤێنە خال ژبلی خرابی و بێ رەوشتیا جڤاكێ بەرڤ ئاقارەكێ نەدیار برن، یا فەرە ب هشیاری سەردەری دگەل ڤان كەسان بهێتەكرن جڤاك هەمووی وان سزا بدەن هەڤالینا وان نەكن دەست ب هەوەكا بلۆكرنا وان بكەن ، چنكو پێغبەر (س.خ) دبێژت تو یێ ل سەر دینێ هەڤالێ خوە، باشە پسیار تە پێ باشە هەڤالێن تە كەسێن پیچ و بێ رەوشت بن بێ گومان بەرسڤ دێ نەخێر بیت پا بوچێ هندە گرنكیێ بێ ڤان جۆرە مرۆڤا دهێت دان ژلایێ كەنالا بۆ دیدار ژلایێ كۆمپانیان بۆ ریكلامان، مانە هەر جڤاكێ مە ئەڤان پتر دەنە نیاسین، هەر ئەڤ جڤاكە یە دشێت ڤان بێ رەوشتا ل عەردی بدەت چ كۆمپانێ ریكلاما بەرهەمێ خوە نەدەنە كچە مۆدیلان، نە دەنە كەسێن بێ هیچ وپیچ و بێ رامان ، هیڤیە رەوشتێ كوردەواری و داب و نەریتێن شەرم و حەیا بزڤریننە ڤە ئەم پێدڤی شەرمێ ینە ئەم پێدڤی ب رەوشتێ باب و باپیرانە و دایك و داپیرانە، نەتەوە و مللەتێ كورد بەر نیاسە ب رەوشتێ خۆ یێ بەرز و بلند ، چنكو رەوشتە ژ مرۆڤی پتر دژیت.
