دو یاریزانێن كوردستانی ب بەهانا هنگاڤتنێ هاتنە دوورئێخستن
یا ئیرانی شادی مهینی ڕاهێنەرا هەلبژارتییێ ئیراقێ ل سەر ئاستێ تازەپێگەهشتییان هەردو یاریزانێن ڕەڤەندا كوردستانی ل سوید و نەورویجێ یاران كۆمار و رۆنیا موشتاق دناڤا ڕێزێن هەلبژارتییێ ئیراقێ دوورئێخستن ئەوێن د نوكە پشكدار د ڤاڤارتنێن دەربازبوونێ بۆ قووناغا دووماهیێ یا قارەمانییا ئاسیا ئەوا ل مالیزیا دهێتە كرن.
ژێدەرێن نێزیك د ناڤا شاندێ هەلبژارتییێ ئیراقێ دا دیار كر، سەرباری ئاستێ هەردو یاریزانان یاران كۆمار و رۆنیا موشتاق ل گەل هەلبژارتییێ ئیراقێ بێ كو هیچ ئاریشەیەك هەبیت لێ ژ نشكەكێ ڤە ڕاهێنەرا تیمێ بڕیارا دوورئێخستنا وان دایە، ئەڤ بڕیارە بوو جهێ سەرنجراكێشا یاریزان و شاندێ تیمێ، سەرەرایی داخوازییا مانا وان لێ ڕاهێنەر ڕازی نەبوو ئەڤچەندە بوو ئەگەر نەچاربن بچنە وەلاتێن خوە.
