كۆپا كەنداڤی دێ ل بەغدایێ بیت و هەولێر پێگوهوڕە
فدراسیۆنا فوتبۆلا كەنداڤی ب فەرمی ڕازیبوونا خوە ل سەر مێڤانداریكرنا پایتەختێ ئیراقێ بەغدا بۆ كۆپا كەنداڤییا 28ێ پشتی ل گەل فدراسیۆنا ئیراقی ل سەر چەند خالەكا گەهشتینە ڕێكەڤتنێ ژ وانا باژێرێ هەولێرێ ببیتە پێكۆهۆڕ هەكە ئاستەنگ كەفتە ڕێكا واندا.
د نڤێسارا فەرمی یا فدراسیۆنا فوبتۆلا كەنداڤی دا هاتییە، بفەرمی دێ كۆپا كەنداڤییا 28ێ ل نەهـ بۆ 22ێ كانوونا ئێكێ یا سالا 2028ێ ل ئیراقێ هێتە كرن و یاریگەهێن پایتەختێ ئیراقێ بەغدا دێ مێڤاندارییا قارەمانیێ كەن، د دەمێ بهێت دا دێ لژنەیێن هەڤپشك یێن هونەری و تەكتیكی هێنە بەغدا بۆ دووڤچوونا یاریگەهـ و ژێرخانەیێن وەرزشی و خزمەتێن لوجستی یێن مێڤانداریكرنێ، ژلایەكێ دووڤە ژێدەرێن ڕۆژنامەڤانی ئەوچەندە ژی دیار كر هەكە ئاستەنگەك یان ئاریشەیەك پەیدابوو باژێرێ هەولێر و دبیت سلێمانیێ ژی ببنە پێكگهۆڕێ مێڤاندارییا قارەمانییێ.
