23% یا پەنجەشێران ژ جۆرێ مەمکینە
دگەل دەستپێکرنا هەیڤا چریا ئێکێ بۆ هشيارکرنا پەنجەشێرا مەمکی، بەرپرسێن وەزارەتا ساخلەمیێ ڕادگەهینن کو ئه‌ڤ نەخۆشییە هەكە زوی بهێتە زانین، ڕێژەیا چاکبوونێ دگەهيتە 100٪، هەڤدەم ل هەمی پارێزگەهـ و ئیدارەیێن سەربەخۆ بنگەهێن پشکنینێ هاتینە ڤەکرن.
ل دویڤ ئاماران، پەنجەشێرا مەمکی 23٪ ژ سەرجەمێ تووشبوویێن پەنجەشێرێ ل ئێراقێ و هه‌رێما کوردستانێ پێکدئینیت، لەورا ژێر درووشمێ “ژ پەنجەشێرا مەمکی نەترسە، ژ دویر دەستنیشانکرنێ بترسە”. داخواز ژ هەمی ژنێن عەمرێ وان سەر 40 ساڵییێ دا دهێتە کرن کو پشکنینا بەروەخت ئەنجام بدەن.
پسپۆرێن نەخۆشیێن پەنجەشێرێ هشیاریێ ددەن کو ژ هەر هەشت ژنان ئێک ل ژێر مەترسییێ یە، لێ بەلێ کۆنترۆلکرنا کێشێ، وەرزشکرن، دوورکەفتن ژ جگارەیێ و خوارنێن نەتەندروست، مەترسیا تووشبوونێ ب ڕێژەیا 40٪ بۆ 50٪ کێم دکەت.
