نێچیرڤان بارزانی: هیڤییا چاكبوونێ بۆ پاپا لیۆ دخوازم
نێچیرڤان بارزانی، سەرۆكێ هەرێما كوردستانێ ل پەیامەكێ دا هیڤیا زوو چاكبوونێ بۆ پاپا لیۆیێ چواردێ، پاپایێ ڤاتیكانێ دخوازیت و تەكەز ل سەر ڕۆلێ گرنگێ وی ل بەلاڤكرنا ئاشتی و پێكڤەژیانێ دكەت.
سەرۆكێ هەرێما كوردستانێ ل هەژمارا فەرمی یا خۆ ل تۆڕا جڤاكی یا ئێكس پەیامەك ئاراستەی پاپای كریە و تێدا هاتیە: «بیرهاتنا وێ دیدارا مەها ئایارێ یێ كو ل گەل پاپای ئەنجامدا، ب خۆشەڤیڤە دمینیت».
نێچیرڤان بارزانی ل دۆر بارودۆخێ تەندروستیا پاپای دبێژیت: «پشتی نەشتەرگەریا وی یا ڤێ دوماهیێ، هیڤیا زوو چاكبوونێ و تەندروستیەكا باش بۆ پاپای دخوازم».
سەبارەت ب هەولێن پاپای، سەرۆكێ هەرێما كوردستانێ ئاماژە ب وێ چەندێ كریە: «پابەندبوونا پاپای ب ئاشتی، كەرامەتا مرۆڤی و دیالۆگا ناڤبەرا گەلان بهایەكێ بلند هەیە».
نێچیرڤان بارزانی نڤیسیە: «هیڤیدارم پاپا ب وزەیەكا نوو و تەندروستیەكا باش ڤە بەردەوام بیت ل ئەركێ خۆ یێ گرنگ بۆ پەرەپێدانا ئاشتی، بەزەیی و تێگەهشتنێ ل سەرانسەری جیهانێ دا».
