ئیڤۆن داود: دەستکەفتێ مە بۆ پاریزگەهێ یە و دێ پشکدارییێ د قارەمانیا رۆژئاڤا ئاسیا دا کەین
راپۆرت : تاهر رێكانى
تیما ڤۆلی بۆلا خانمێن یانه‌یا سه‌نحاریب پلێتا پشكداریكرنێ د قاره‌مانیا رۆژئاڤا ئاسیا دا بده‌ستخۆڤه ئینا، پشتی سه‌ركه‌فتنه‌كا مه‌زن و گرنگ لسه‌ر بهێزترین هه‌ڤركا خۆ یانه‌یا ئه‌كادعه‌ینكاوه یا هەولێری ئینای ب سێ گێمان بێ به‌رامبه‌ر و بۆ جارا دویێ لدووف ئێك ناسناڤێ قاره‌مانیا ئیراقێ لسه‌ر دەستخوەڤە دئینیت، لدۆر ڤێ دەستکەڤتی رۆژنامەیا ئەڤرۆ بۆچوونێن جودا وەرگرتینە وبڤی شێوەیی بوویە.
ل دەستپێکێ دییا وه‌لی یاریزانا تیمێ گۆت: ئه‌ڤ ناسناڤه بۆ مه گه‌له‌ک گرنگ بوو، كه‌یف خۆشین هەروەسان گارگێریا یانه‌یێ و كادرێ راهێنانێ ئه‌وا پێدڤی بوومه كر، مه ژی گه‌له‌ك خۆ ماندی كر ئه‌ڤه‌ژی به‌رهه‌مێ ماندیبوونا مه یا پێنج مه‌هێن بوریه، هه‌ر ل ده‌ستپێكێ مه ناسناف كربوو ئارمانج و ئه‌م گه‌هشتینه ئارمانجا خۆ، ژبه‌ركو ئه‌ڤ ناسناڤه هه‌ژی یانه‌یا سه‌نحاریب بوو.
ژلایه‌كێ دووڤه ئیڤۆن داود ره‌به‌ن هاریكارا راهێنه‌رێ تیمێ گۆت: ئه‌ڤ ده‌سكه‌فته ژ هەژی مەبوو پێنەڤێت ژ ڤالاهی نه‌هاتیه به‌رۆڤاژی مه كاره‌كێ مه‌زن لسه‌ر كریه یاریزانێن مه كار و ده‌وامێن خۆ هێلاینه تاكو گه‌هشتینه ڤی ده‌سكه‌فتی، سۆپاس بۆ خۆدێ كو ئه‌م شیاین بۆ سالا دویێ لدووف ئێك ناسناڤێ بینه دهۆكێ و پێشكێشی پشته‌ڤانێن خۆ و پارێزگه‌ها دهۆكێ بكه‌ین.
هەروەسان ناڤبری گۆت: یانه‌یا ئه‌كاد گه‌له‌ك یا بهێزه و خودان ده‌سكه‌فتێن باشه و لپشت وانژی راهێنه‌رێ هه‌لبژارتیێ ئیراقێ یه، به‌لێ ب شاره‌زاهیا راهێنه‌رێ مه د. هه‌كار برقی ئه‌و پلانێن بۆ یاریزانان دانای سه‌رگرت وی شیان ب ئاسانی یاریا دووماهیێ ببه‌ت ئه‌ڤه‌ژی وێ دگه‌هینیت كو تیما مه دێ رۆژ ب رۆژێ بهێزتر بیت، لێ ئه‌م پێدڤی ب هاریكاریێ نه بتایبه‌ت بۆ قاره‌مانیا رۆژئاڤا ئاسیا كو بڕیاره ل ناڤه‌راستا هه‌یڤا بهێت ل وه‌لاتێ لوبنانێ بهێته ئه‌نجامدان، بێ گۆمان ل وه‌رزێ بۆری ژی ئه‌م پشكداری ڤێ قاره‌مانیێ بووین، مه پێزانێن باش لسه‌ر هه‌نه كو پرانیا یاریزانین وان پیشه‌كارن له‌وا ئه‌م بێی پیشه‌كار نه‌شیێن پشكداریێ بكه‌ین، لدووف یاسا و رێنمایێن فیدراسونا ڤۆلی بۆلا ئیراقێ دێ بزاڤێ كه‌ین چه‌ند یاریزانێن پیشه‌كار ئینه دناڤ رێزێن تیما خۆدا، داكو بشێن پشكداریه‌كا سه‌رفه‌راز د قاره‌مانیا رۆژئاڤا ئاسیا دا بكه‌ین.