خەلكی هند حەز ل سەر جۆرێن نوو یێن تری نینە
سندس سالح سلێڤانەیی
رێزان محەمەد سەلیم بەربهاری، جۆتیارەكێ بەرنیاسێ دهۆكێ یە و ئێك ژ پشكدارێن فێستیڤالا تری و هنگڤینی بوو، د دیدارەكێ دا بۆ رۆژنامەیا ئەڤرۆ گۆت: ئەڤە فێستیڤالا (19) بوو هاتیە گێڕان و مە پشكداری د (18) فێستیڤالان دا كریە و وەكو ئەز دبینم هەر وەكو سالێن بۆری یە و چ تشتێ جودا نینە، هەما وەكو هەر سال جۆتیار ئێكودو دبینن و تریێ خۆ نیشا ددەن، هەروەسا هەكە جۆتیارەكێ نوو پشكدار ببیت هەڤنیاسین دناڤبەرا وی و جۆتیاران دا پەیدا دبیت، لێ ب ڕەنگەكێ گشتی ئەڤ فێستیڤالە باشە بهێنە ڤەكرن، چنكو جۆتیار بەرهەمێن خۆ لێ دفرۆشن.
هەروەسا گۆت: هەتا نوكە پتریا خەلكی حەزژ كڕینا سێ جۆرێن تری دكەن، كو ئەو ژی (تەیفی و زەرك و ڕەش مێوە) و ئەڤ جۆرێن دی یێن تری، ب تایبەت یێن نوو خەلكی هند حەز ل سەر نینە.