ژن ڤان کاران د ھەڤبەندیا گەرم دا رەت دکەن
ئه‌ڤرۆ:
نێرینا ھەر ئێک ژ زەلامی و ژنێ بۆ سیکسی یا جودایە، ژن بەر ب ھەڤبەندیا سیکسی ڤە دچیت ژ بەر دلینی و حەزژێکرنا وێ بۆ ھەڤژینێ وێ، ھندی ھەستێن ڤیانێ ل نک وێ د گەش بن دێ پتر بەر ب ھەڤبەندیا سیکسی چیت، خپسپۆران وەسا دیار کریە کو ئەڤ چەندە ژ بەر سروشتێ وێ یە یێ کو دلینی سەرکێشیا وێ دکەت.
ئەڤە بەرۆڤاژی زەلامی کو ب دیتنەکا دی ل ڤێ ھەڤبەندیێ دنێریت، ھاندانا حەزێ ل نک ھەردویان یا جودایە، لەورا پێدڤیە زەلام د دلینیا ژنێ بگەھیت و رێزێ لێ بگریت دا ب ھەڤرا بگەھنە ھەڤبەندیەکا سیکسی یا سەرکەفتی و وان تشتان بزانیت یێن ژن د ڤێ ھەڤبەندیێ دا رەت دکەت.
شەش کارێن ھەین ژن د ھەڤبەندیا سیکسی دا رەت دکەت و ئەو ژی:
پشتگوە ھاڤێتنا دەروونێ ژنێ ل دەمێ ھەڤبەندیا سیکسی:
گەلەک یا گرنگە زەلام د دەروونێ ژنێ بگەھیت وگرنگیا دەمێ دەستنیشانکری بۆ ھەڤبەندیێ بزانیت، ژن کەیفخۆش دبیت و دەروونێ تەنا دبیت دەمێ ھەست ب ھەستا زەلامی دکەت و حالەتێ وێ یێ دەروونی ل بەرچا وەردگریت، ھەروەسا وێ ب لەز کەیفخۆش دکەت چونکو دێ ھەست ب دلینیا وی و پویتەدانا وی کەت، ئەڤێ چەەندێ ھەمی ژن پێ کەیفخۆش دبن.
دەستپێکرنا ھەڤبەندیێ بێی ترانە و نازاندن:
ژن پتر حەز ژ ترانە و نازاندنێن گەرم دکەت بۆ دەسپێکرنا ھەڤبەندیا سیکسی، زانا ژ ئەنجامێ ڤەکۆلینەکێ دوپات دکەن کو ژن پتر حەز دکەن زەلام وان ب سینگەکێ گەرم و ب دلینی ھەمبێز بکەن بەری بگەھیتە قووناغا جووتبوونێ. بۆ دوپاتبوونا بابەتی ڤەکۆلینەکا فرەنسی دوپات کریە کو ژن پتر حەز ترانە و نازاندنان دکەن بەری بچنە د ناڤ ھەڤبەندیا گەرم دا.
رەفتار کرن ل گەل وێ وەکو ئامیرەک:
رەفتارا زەلامی ل گەل ژنێ کو ھەست و حەزێن وێ پشتگوە بھاڤێژیت و کا چ وێ کەیفخۆش دکەت، و بێی ھزر بکەت کا ل دووماھیا ھەڤبەندیێ دێ گەھیتە خۆشیێ یان نە، ئەڤێ چەندێ گەلەک ژن رەت دکەن، و بەرێ وان ددەتە پسپورێن ھەڤبەندیا ھەڤژینان وەکو بزاڤەک بۆ بدەستڤەئینانا ل ئێک نێزیکبوونەکا ھەست و دەروون و سیسکی دناڤبەرا وان دا.
ئاشکرا کرنا حەزا سیکسی و ب زڤراتی:
ئەڤە دزڤریتە پشتگوە ھاڤێتنا سروشتێ دلینی یێ ژنێ، گەلەک زەلام ڤێ چەندێ دکەن ھەتا وی رادەی ژن نەشێت دەربرێنی ژ حەزا خوە بۆ ھەڤبەندیا سیکسی بکەت و ژێ درەڤیت، ھەروەکو کارەکێ دڤێت زوو ئەنجام بدەت، ئەڤە مەزنترین ئەگەرە کو ھەڤبەندیا گەرم د ناڤبەرا ژن و مێران دا سەرنەکەڤیت.
رۆتین:
گەلەک ژن گازندا ژ شێوازێ ھەڤژینێن خوە دکەن بۆ ئەنجامدانا ھەڤبەندیا سیکسی و رەتکرنا وان بۆ نووکرنێ، ھەتا گەلەک ژ وان کریارێن زەلامێن خوە دزانن، ئەڤێ چەندێ ژن رەت دکەن، چونکو تێرکرنا دلینیێ و گەھشتنا خۆشیێ د ھەڤبەندیێ دا مافێ ھەردویانە.
نە دەربرینا ژ ھەستان:
نە دەربرینا زەلامی ژ ھەستێن خوە ل دەمێ ھەڤبەندیا سیکسی، ئەو ھەڤبەندی گەرماتیا خوە و کارتێکرنا خوە ژ دەست ددەت، دەربرینا ھەستان ئەنجامدانا ھەڤبەندیێ بلند دکەت، دا کو دووماھی ب دلێ ھەردو لایان بیت، خوە زکڕەش نەکەن و دەربرینێ ژ ھەستێن خوە بکەن دا گیانەکێ بدەنە ھەڤبەندیێ و ب پێکڤە دلخۆش ببن.