وه‌زيرێ په‌ترۆلا عيراقێ گه‌هشته هه‌رێما كوردستانێ
ئه‌ڤرۆ نيوز:
چه‌نده‌كێ به‌رى نوكه وه‌زيرێ په‌ترۆلا عيراقێ گه‌هشته هه‌ولێر و بڕياره ل گه‌ل به‌رپرسێن هه‌رێمێ رێكه‌فتنا د ناڤبه‌را هه‌ولێر و به‌غدا دا ل دۆر هنارتنا په‌ترۆلێ گه‌نگه‌شه بكه‌ن.
ئێڤاريا ئه‌ڤرۆ رێكه‌فتى 13ى گۆلانا 2015ێ عادل عه‌بدولمه‌هدى وه‌زيرێ په‌ترۆلا عيراقێ د رێيا نێڤده‌وله‌تيا هه‌ولێر را گه‌هشته هه‌رێما كوردستانێ بۆ دانوستاندنێ ل سه‌ر رێكه‌فتنا د ناڤبه‌را هه‌ولێر و به‌غدا دا، ل دۆر هنارتنا په‌ترۆلا هه‌رێما كوردستانێ.
ئه‌ڤه د ده‌مه‌كى دايه، ئه‌ڤرۆ كۆمبوونا د ناڤبه‌را سه‌رۆكاتيا حوكمه‌تا هه‌رێما كوردستانێ و نوونه‌رێن كورد ل عيراقێ ب رێڤه‌چوو و پابه‌ندبوونا خوه ب رێكه‌فتنا ل گه‌ل به‌غدا دووپاتكر و هوشدارى ژى دا به‌غدا، هه‌كه پابه‌ندى رێكه‌فتنا ل گه‌ل هه‌رێمێ نه‌بيت، ئه‌و دێ رێيه‌كا دى گرنه به‌ر بۆ دابينكرنا بودجێ هه‌رێما كوردستانێ.