عه‌بادى دڤێت پێشڤه‌چوونێن كێشا سۆتنا وه‌قفا سونى بێ ده‌نگ بكه‌ت
ئه‌ڤرۆ نيوز:
سپێده‌هيا ئه‌ڤرۆ 14ى گۆلانا 2015ێ سه‌رۆك وه‌زيرێن عيراقێ حه‌يده‌ر عه‌بادى سه‌ره‌دانا تاخێ ئه‌زعزه‌ميه كر وه‌كو بزاڤه‌ك دا خوه و حوكمه‌تا خوه ب رێگر ل هه‌مبه‌ر پێشڤه‌چوونا سۆتنا ئاڤاهيێ وه‌قفا سونى كو جهه‌كێ گرنگ و پيرۆزێ سونايه، بده‌ته دياركرن.
تله‌ڤزيۆنا عيراقيه به‌لاڤكر كو ئه‌ڤ سپێدێ سه‌رۆك وه‌زيرێن عيراقێ و فه‌رماندێ هێزێن چه‌كدار سه‌ره‌دانا ده‌ڤه‌را ئه‌عزه‌ميه و كازميه كر.
تله‌ڤزيۆنا نيڤ فه‌رمى يا عيراقێ به‌حس ل وێ چه‌ندێ دكه‌ت كو پشتى دوورپێچكرنا ئه‌و بزاڤا فتنێ يا ل به‌ربوو دوهى ب شه‌ڤ د ناڤبه‌را شيعه و سونان دا بهێته كرن، ئه‌ڤرۆ سه‌رۆك وه‌زير گه‌هشته وێرێ.
شه‌ڤا بۆرى 13ى گۆلانێ ب به‌هانه‌يا هه‌بوونا بۆمبێن چاندى د ناڤ ئاڤاهيێ وه‌قفا سونى دا ل تاخێ ئه‌عزه‌ميه ل به‌غدا، ژماره‌كا چه‌كدارێن نه‌نياس ئاڤاهيێ وه‌قفا سونى و 5 مالێن نێزيكى وێ سۆتن و هێزێن ئه‌منى پشتى روودانێ چوونه جهێ روودانێ و نوكه دبێژين: “ئه‌و كێشه هاتيه دوورپێچكرن و نوكه بزاڤێن بێده‌نگكرنێ دده‌ن”.