جۆن كيرى د پايسكلێ دا كه‌فت و پێ وى شكه‌ت
ئه‌ڤرۆ نيوز:
جۆن كيرى، وه‌زيرێ ژ ده‌رڤه يێ ئه‌مريكا ژ ئه‌گه‌رێ كه‌فتنا وى ل سه‌ر پايسكلێ كه‌فت و پێ وى يێ راستى شكه‌ست و ده‌ملده‌ست بۆ نه‌خۆشخانا جنيف هاته ڤه‌گوهاستن.
ئاخفتنكه‌رێ ب ناڤێ وه‌زاره‌تا ژ ده‌رڤه يا ئه‌مريكا راگه‌هاند: ساخله‌ميا جۆن كيرى يا باشه و مه‌ترسى ل سه‌ر ژيانا وى نينه.
جۆن كيرى پشتى ب دووماهى هاتنا دانوستاندنان ل گه‌ل محه‌مه‌د جواد زه‌يف، وه‌زيرێ ده‌رڤه يێ ئيرانێ ل سه‌ر پرسا ئه‌تۆمى يا ئيرانێ ده‌ست ب هاژوتنا پايسكلێ كر و د ئه‌نجام دا كه‌فت و پێ وى شكه‌ست، ئێكسه‌ر ژى ب فرۆكا خزمه‌تگۆزارى بۆ نه‌خۆشخانا سه‌ره‌كى يا جنێف هاته ره‌وانه‌كرن.
جۆن كيرى يێ 71 سال پايسكل سوواره‌كێ باشه و به‌رده‌وام پايسكلا تايبه‌ت يا خوه ل گه‌ل خوه ده‌به‌ته هه‌ر جهه‌كێ فه‌رمى بۆ ده‌رڤه‌يى وه‌لاتى.