ئێکەتیا عیراقێ ژڤانێ یاریا دھۆک ئاشکرا کر
ئەڤرۆ نيوز:
لژنا بەریکانان ل ئێکەیتا تەپا پێ عیراقێ خشتێ یاریێن گەرا چونێ یێن خولا بژارە یا عیراقێ ئاشکراکرن ئەوا بریارە ل رۆژا سێشەمبی رێکەفتی٢١، ٢٢ ڤێ ھەیڤێ دەستپێبکەن.
زێدەتر سکرتێرێ ئێکەیتا تەپا پێ یا عیراقێ فەھمی عامری د داخویانیەکێ دا راگەھاندیە، یاریێن گەرا چونێ ژ خولا بژارە یا عیراقێ بریارە ل ٢١ ڤێ ھەیڤێ دەستپێبکەن ب یاریا دناڤبەرا شورتە و زەورا و نەفت میسان ل گەل ئەمانە یا بەغدا د کوما ئێکێ دا.
ل رۆژا دووڤ دا کو دبیتە ٢٢ ڤێ ھەیڤێ د یاریێن کوما دویێ دا دو یاری دێ ل باژێرێ بەسرا ھێنە کرن و تێدا یانا دھۆک دێ ل گەل مینا کەت ل یاریگەھا نیڤدەولەتی یا بەسرا و نەفت جنوب ل ھەمان یاریگەە ل گەل جەویە کەت.
بۆ زانین یاریا دووماھیا خولێ ژی دێ ل ١٢ ھەیڤا تیرمەھا ئەڤ سالە ھێتە کرن.