دووماھیا ئورۆپا ل بەرلین چ ھژمارە دێ ھێنە زێدەکرن؟
ئەڤرۆ نیوز:
یاریا دووماھیا قارەمانیا یانێن ئوروپا قارەمانێن خولان بریارە روژا شەمبی ٦-٦-٢٠١٥ ل یاریگەھا ئولومپی ل باژێرێ بەرلین یێ ئەلمانی بھێتە کرن د ناڤبەرا ھەردو یانێن بەرشەلونە یا ئسپانی و یوڤانتوس یا ئیتالی کو ئەف یاریە دبیتە یا ھژمار ٦٠ یا ڤێ قارەمانیێ و دبیتە یا ئێکێ یا دووماھیا ڤێ قارەمانیێ د ناڤبەرا ڤان ھەردو یانا ھەر چەندە بەری نوکە چارجاران د قوناغێن پێش دووماھیێ دا کەفتینە ھەمبەر ئێک و بزاڤێن یانا بەرشەلونە ژبو ب دەستڤەبرنا ناسناڤێ پێنجێ یێ ڤێ قارەمانیێ یە و دووماھی جار ل ٢٠١١ بوو و یانا یوڤانتوس بەری نوکە سێ جاران ئەف ناسناڤە بریە کو ماوێ ٢٠ سالانە ژ خەلاتکرنێ دوورکەفتیە و دووماھی جار ل ١٩٩٦ بوو.
بو ڤێ یاریێ لژنا دادڤانێن ئێکەتیائوروپی یا تەپا پێ ب سەروکاتیا بیر لوجی کولینا داڤانێ تورکی کونیت شاکیر ھەلبژارتیە کو خودانا فێرکا دەستپێکرن و رێڤەبرنا ڤێ یاریێ بیت.
ئەف یاریە دێ بیتە یا ھژمار ٢٨ یا دووماھیێ بو یاریکەرێ ئەرژەنتینی و ستێرا یانا بەرشەلونە لیونێل میسی و ھەتا نوکە شیایە ٢٢ گولان توماربکەت و ناسناڤێ شازدە قارەمانیا ببەت و ب تنێ د شەش یاریێن دووماھیێ دا خوسارەت بویە.
ئومێد و ئارمانجێن ھەردو یانێن گەھشتینە دووماھیێ وەکو ئێکن کو بەری نوکە ڤان ھەردو یانا ناسناڤێن خول و کاسێن وەلاتێن خوە برینە و بزاڤ بو وێ چەندێ نە ببنە ھژمارە ھەشت د مێژویا ڤێ قارەمانیێ دا ھەرسێ ناسناڤا ببەن کو بەری نوکە حەفت جاران ئەف چەندە ھاتیە پێش جارەک ژ وانا بەرشەلونە بوو ل سالا ٢٠٠٩ و جارەکێ ب تنێ یانێن ئیتالی ئەف چەندە تومارکریە و یێن ھولەندی دو جاران جارەکێ ھەر ئێک ژ یانێن ئێنگلیزی، ئەلمانی، ئوسکوتلەندی برینە.
ئەف یاریە دێ بیتە یا ئێکێ بو یاریکەرێ بەرازیلی و یانا بەرشەلونە نیمار دا سێلڤا پشتی ھاتیە ناڤا رێزێن یانا بەرشەلونە و ڤی یاریکەری دیارکریە ئەو یێ دو دلە چونکو ئەزمونا ئێکێ یا ب ساناھی نابیت و یێ ب ئومێدە ناسناڤی ژی ببەت.