ئه‌ڤ ئاريشه‌نه ئاسته‌نگن بۆ په‌يوه‌نديا سكسى… هشيار به
ئه‌ڤرۆ نيوز:
ھەتا نوکە راستگۆیی ل دۆر ئاریشێن ھەڤبەندیا گەرم د ناڤبەرا ژن و مێلاان دا کارەکێ ئالۆزە، پرانیا ھەڤژینان خوە سحبەتا ل دۆر ڤان ئاریشان پشتگوە دھاڤێژن و خوە ژ چارەکرنا وان دوور دکەن، ل گەل ڤێ چەندێ ژی دێ بینین کو زەلام و ژن گەلەک دئێشن ژ ئەگەرێ ژ دەستدانا خۆشیێ د ڤێ ھەڤبەندیێ دا و ل گەل ھندێ ژی شەرم دکەن بەرگەریانا نۆشداران بکەن بۆ چارەکرنێ ب بەھانا شەرمێ یان ترسا ژ ئاشکرابوونێ، یان ژی نەشێت دانپێدانێ ب ئاریشێ بکەت و ئھا ئاریشە د ڤێرێ دایە، چونکو نە ئاشکراکرن و دیتنا چارەسەریێن زانستی دێ بیتە ئەگەرێ کارەساتەکا خێزانی و دبیت بگەھیتە ژێکڤەبوونێ.
“دینا زیاد سەبری” تایبەتمەندا جڤاکی و خێزانی ل نەخۆشخانا زارۆبوونی، ڤان ئاریشێن ھەڤبەندیا گەرم دیار دکەت، ژ وانا:
ئاریشێن دەروونی: ئەو ئاریشەنە یێن ترسا ژ دەستدانا کونترۆلی و نەبەردانا ھەستان خوە ل بن ڤەدشێرن، کو ئەڤ چەندە دبیتە ئەگەر مرۆڤ نەگەھیتە خۆشیێ.
نەبوونا باوەریێ بخوە و سەروسیمایێ خوە کو بەردەوام ھزر ب نەگەھشتنا خۆشیا راستەقینە ڤە مژوول دبیت.
ھەستکرنا ب گوننەھێ کو بۆ پەروەردەکرنێ دزڤریت، ھندەک خێزان د سەرێ زارۆیێن خوەدا دچینن کو ئەنجامدانا سیکسی کارەکێ خرابە و ئەڤ چەندە وەدکەت مرۆڤ نەشێت دەربرینێ ب شێوەکێ دروست ژ خوە بکەت پشتی ھەڤژینیێ.
نەبوونا جھەکێ گونجای وەکو رۆناھیەکا کز و گول و گولاڤان یان پویتەدانا ب پاقژیا کەسوکی بۆ دیتنا سەقایەکێ رۆمانسی، ئەڤ چەندە رێکەفتنێ دناڤبەرا ھەڤژینان دا بزەحمەت دئێخیت.
توندوتیژی دبیتە ئەگەرێ کەربێ دەمێ ھەڤبەندیێ دکەت و وەسا دھێتە تێگەھشتن کو ئەڤ چەندە ب تنێ ھوویەکە بۆ گەھشتنا خۆشیا پێدڤی، ترانەکرنێ رۆلەکێ کارا یێ ھەی ل گەل ئەنجامدانا ھەڤبەندیا سیکسی.
شەرم و رۆتین، چو بنەما نینن کا دێ چ کەیە بەرخوە یان جھەکێ دەستنیشانکری بۆ ئەنجامدانا سیکسی یان دەمەکێ دیار نینە، دڤێت خۆشیێ ب ھەمی وان تشتان ببەن یێن وان دڤێن و گەنگەشەکرن ل دۆر ھەمی کاروباران یێن ھەردو لایەن حەز ژێ دکەن،
ئێکسەر چوونا سەرشوویێ و ل بەرکرنا جلکان پشتی ھەڤبەندیا گەرم دبیتە ئەگەرێ دلگارنیێ، لەورا یا گرنگە کوور بچنە د ناڤ ھەستان دا و ھەڤدو ھەمبێز بکەن بەری چوونا سەرشوویێ.
یا باش ئەوە ھندەک خولێن رەوشەنبیرکرنێ ھەبن بۆ وان کچ و کوڕین ل بەر دەرگەھێ ھەڤژینیێ بۆ بەردەوامیدان ب ھەڤبەندیێ، د ئەنجامدا دا ھەڤژینیا وان یا بەردەوام بیت و گیانێ گونجاندنێ ل نک پەیدا بیت.