ب ڤێ رێ به‌رشه‌لۆنا خوساره‌ت بيت
ئه‌ڤرۆ نيوز:
راهێنه‌رێ يانا يوڤانتۆس يا ئيتالى راگه‌هاند كو دڤێت ياريكه‌رێن وى هێزا له‌شێ خوه ب پارێزن ژ بوو خوه به‌رهه‌ڤكرنێ بۆ دووماهيا قاره‌مانيا شامپيۆن ليگ ل 6ى خزيرانێ، ئاماژه ب وێ چه‌ندێ ژى كر كو هه‌ڤركا وان گه‌له‌ك يا ب هێزه و ب تنێ ب رێيه‌كا دشێن ببنه قاره‌مانێن ئورۆپا.
ئه‌لێگرى گۆت: “نوكه ده‌م يێ هاتى هزرێ د ياريا بهێت يا ل گه‌ل به‌رشا دا بكه‌ين، دڤێت بزاڤێ بكه‌ين هێزا له‌شى ژى ب پارێزين دا ب ره‌نگه‌كێ باش بۆ ڤێ ياريێ د ئاماده بين”.
راهێنه‌رێ يانا ئيتالى گۆتژى: “ئه‌ڤ ساله يوڤى ئاسته‌كێ باش نيشان دا، خولا ئيتاليا ب ده‌ست خوه ڤه ئينا و بۆ قاره‌مانا كاسا ئيتاليا و نوكه ژى ب تنێ هزر د دووماهيا شامپيۆن ليگ دا دكه‌ين، ب تايبه‌ت سه‌ركه‌فتن ل سه‌ر به‌رشا ب تنێ ب رێيه‌كێ دبيت ئه‌و ژى ئه‌وه كو هه‌كه ياريه‌ك ب تنێ بهێته كرن و دشيانێن چو يانا دا نينه ل ڤى سه‌ر ده‌مى د ياريێن هاتنوچوونێ دا سه‌ركه‌فتنێ ل سه‌ر به‌رشه‌لۆنا تۆمار بكه‌ت، به‌لێ ب ئێك يارى دێ ب ساناهيتر بيت”.