ئاوارێن چووينه توركيا ژ به‌ر خرابيا ره‌وشا ژيارێ ڤه‌گه‌رنه رۆژئاڤايێ كوردستانێ
ئه‌ڤرۆ نيوز:
سێ رۆژێن پشتى كونترۆلكرنا گرێ سپى ژ لايێ شه‌رڤانێن يه‌په‌كێ ڤه و تێكشاندنا داعش، ئاوارێن گرێ سپى و ده‌ڤه‌رێن دى يێن ل توركيا ڤه‌گه‌ريانه‌ڤه سه‌ر مالێن خوه.
د چه‌ند حه‌فتيێن بۆرى دا ژ ئه‌گه‌رێ شه‌رێ ناڤبه‌را شه‌رڤانێن يه‌په‌گێ و تيرۆرستێن داعش نێزيكى 20 هزار وه‌لاتيێن گرێ سپى و ده‌ڤه‌رێن سنورى يێن رۆژئاڤايێ باكورێ كوردستانێ ئاواره‌يى وه‌لاتێ توركيا بوون.
پشتى سه‌ركه‌فتنا رۆژا 15ى خزيرانا 2015ێ شه‌رڤانێن يه‌په‌گێ و ڤۆلكانا فورات كو ژ هه‌ردو هێزێن يه‌په‌كێ و يه‌په‌ژێ پێكهاتينه ده‌ست ب سه‌ر داعش دا گرت، وه‌لاتيێن وان ده‌ڤه‌ران كو پتريا وان عه‌ره‌ب و توركمانن، ڤه‌گه‌ريانه ده‌ڤه‌رێن خوه.
هه‌ر چه‌نده به‌رپرسێن تورك به‌حس ل وێ چه‌ندێ دكه‌ن كو هێزێن يه‌په‌گێ سه‌ره‌ده‌ريه‌كا خراب ل گه‌ل ڤان وه‌لاتيان دكه‌ن، يه‌لێ ئه‌و ب خوه ڤێ چه‌ندێ ره‌ت دكه‌ن.
ب گۆره‌يى وان ڤيديۆيێن ئاژانسا ئه‌سوشيه‌تيت پرێس به‌لاڤكرين، ئاوارێن گرێ سپى ئاماژێ ب خرابيا ژيان وژيانا خوه ل توركيا دده‌ن و ئاماژێ ب وێ چه‌ندێ دكه‌ن كو ئه‌و د نه‌چارن ب زوورى ڤه‌گه‌رنه ده‌ڤه‌رێن خوه.
