به‌غدا ئه‌نجامێن ئه‌زموونێن شه‌ش هزار قوتابيێن كوردێن كه‌ركووك ره‌تكرن
ئه‌ڤرۆ نيوز:
وه‌زاره‌تا په‌روه‌ردێ ل حوكمه‌تا عيراقێ ئه‌نجامێن ئه‌زموونێن قوتابيێن قوتاغێن دووماهيێ يێن ناڤنجى و ئاماده‌يى ل كه‌ركووك ره‌تكرن ب تومه‌تا قوپيايێ.
ئه‌نداما لژنا په‌روه‌ردێ ل جڤاتا پارێزگه‌ها كه‌ركووك په‌روين محه‌مه‌د د داخۆيانيه‌كێ دا بۆ مالپه‌رێ فه‌رميێ پارتى ديموكارتى كوردستان گۆت: “لژنێ هه‌موو بزاڤێن خوه كرن ژ بوو راستڤه‌كرنا ڤێ بڕيارێ پشتى ئه‌نجام هاتينه ره‌نكرن كو ب تنێ ئه‌ڤێن نمرێن ته‌مام برين جهێ گۆمانێ نه و ئه‌و ب تنێ بهێنه ره‌تكرن”.
زێده‌تر گۆت: “هه‌ر چه‌نده مه ب نڤيسار داخواز ژ وه‌زاره‌تێ كريه، به‌لێ هه‌تا نوكه به‌رسڤا مه نه‌دايه و ئه‌نجامێن هه‌موو قوتابيان ره‌تكرن كو شه‌ش هزار قوتابينه يێن پشكدارى ئه‌زموونێن ده‌ره‌كى كرين”.
ئاماژه ب وێ چه‌ندێ ژى كريه كو پتريا ئه‌ڤێن پشكدارى د ئه‌زموونان دا كرين ژ هێزێن پێشمه‌رگه‌يى و پۆليسانه و گۆت: “نه‌دادپه‌روه‌ريه‌كا مه‌زن يا د بڕيارا په‌روه‌ردێ دا هه‌يى و پێدڤى بوو ب تنێ ئه‌و قوتابى ب خوه ڤه گرت بان يێن گۆمان د نمرێن وان دا هه‌ين”.
