دو جاران کرە گری
ئەڤرۆ نیوز:
سترانبێژا گەنج (لەنجە عەلی) د بەرنامەکێ رادیۆیێ دا دو جاران کرە گری، ئەو ژی پشتی پێشکێشکارێ بەرنامەی چەند بیرھاتنێن بەرێ ئیناینە بیرا وێ.
د بەرسڤا پرسیارا ئێکێ دا کا بۆ چی ئەو سترانان دبێژیت ؟ پشتی چاڤێن وێ پری رۆندک بووین و تێر کرەیە گری گۆت: ژبەرکو نەخۆشی و ئازارێن من گەلەکن و بتنێ ب رێیا سترانان دێ شێم خەمێن خوە رەڤینم، لەورا من ستران ھەلبژارت و ھەکە سترانان نەبێژم دێ بارێ خەمێن من گرانتر لێ ھێت و دوور نینە ژ قەھراندا بمرم.
بەری ب دووماھی ھاتنا وی بەرنامەی لەنجێ جارەکا دی کرە گری و گۆت: ئەز ھەست پێ دکەم کو یا بتنێ مە و چەند جاران دژیانا خوە دا تووشی شکەستنێ بوویمە، لەورا دکەمە گری و من دڤێت بێژم ئەو لڤینێن ئەز دکلیپێن خوە دا بکار دئینم ھەموو دچێکرینە، ئانکو ئەو کەنی نەیا ژدلە ژبەرکو دناخێ خوە دا ئەزا بریندارم، لێ ژنەچاری و ل دووف داخازا دەرھێنەری ئەز وێ کەنیێ دکەم.
بەرنامێ ناڤبری ناڤێ وی (ئاوەژوو) یە، ھەموو رۆژێن ئێکشەمبی ل رادیۆیا رووداو مۆزیک دھێتە پێشکێشکرن.
