رۆژانه 100 ئێزدى دچنه ژ ده‌رڤه‌يى وه‌لاتى
ئه‌ڤرۆ نيوز:
ڤيان ده‌خيل ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان راگه‌هاند كو رۆژانه 100 وه‌لاتيێن ئێزدى دچنه ژ ده‌رڤه‌يى وه‌لاتى.
د به‌ياننامه‌كێ دا، كو كۆپيه‌ك ب ده‌ست ئه‌ڤرۆ نيوز كه‌فتيه، ڤيان ده‌خيل، ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان گۆت: “ماوێ چه‌نده‌كێ يه مشه‌ختبوونا ئێزديان بۆ ده‌رڤه‌يى وه‌لاتى يا ده‌ستپێكرى و رۆژان 100 گه‌نجێن ئێزدى دچنه ده‌رڤه‌يى عيراقێ، ئه‌ڤه ژى وێ چه‌ندێ دگه‌هينيت كو هه‌يڤێ سێ هزار ئێزدى عيراقێ ب جهـ دهێلن”.
گۆتژى: “پێدڤيه ئاگه‌هدار بين به‌رامبه‌ر مه‌ترسيا مشه‌ختبوونا ئێزديان ل ده‌ڤه‌رێن مێژوويى يێن خوه ل عيراقێ، پشته‌ڤانيا كه‌سێ ژى ناكه‌ين دا كو بچنه ژ ده‌رڤه‌يى عيراقێ و رێ ژلا ل كه‌سێ ناگرين بڕيارێ ل دۆر پاشه‌رۆژا ژيانا خوه بده‌ن”.
ڤيان ده‌خيل كو په‌رله‌مانتاره‌كا ديارا ئێزديانه د ده‌ته زانين ژى كو هندى زووتر ئه‌و ده‌ڤه‌رێن ئێزديان يێن بن ده‌ستێ داعش بهێنه ئازادكرن و بهێنه ئاڤاكرن باشتره.
