نه‌وشيروان مسته‌فا بۆ مانا بارزانى دو مه‌رجان د دانيت
ئه‌ڤرۆ نيوز:
نه‌وشيروان مسته‌فا، رێكخبه‌رێ گشتيێ بزاڤا گۆڕان ب دو مه‌رجان يێ رازى مه‌سعود بارزانى بۆ دو سالێن دى وه‌كو سه‌رۆكێ هه‌رێما كوردستانێ بمينيت.
ب گۆره‌يى ئه‌و پێزانينێن رووداو به‌لاڤكرين، نه‌وشيروان مسته‌فا، رێكخه‌رێ گشتيێ بزاڤا گۆڕان پشتى كۆمبوونا ل گه‌ل پارتى بۆچوونا گه‌له‌ك كه‌سان ژ بزاڤا گۆڕان وه‌رگرتيه و ل سه‌ر دو مه‌رجا رێكه‌فتينه به‌رامبه‌ر مانا بارزانى.
ئه‌ندامه‌كێ به‌رچاڤێ بزاڤا گۆڕان كو يێ نێزيكى نه‌وشيروان مسته‌فايه، بۆ رووداو دبێژيت: گۆڕان يا رازى يه كاك مه‌سعود بۆ دو سالێن دى ل پۆستێ خوه بمينيت، به‌لێ دڤێت پارتى ب دو تشتان رازى بيت، ئێك: رازى بن قانوونا سه‌رۆكاتيا هه‌رێما كوردستانێ بهێته راستڤه‌كرن و ده‌سته‌لاتێن سه‌رۆكێ هه‌رێمێ بهێنه رێكخستن. دو: دڤێت بارزانى ل سه‌ر وێ چه‌ندێ رازى بيت كو د دستوورێ هه‌رێما كوردستانێ دا بهێته نڤيسين كو دێ سه‌رۆكێ هه‌رێما كوردستانێ ژ لايێ په‌رله‌مانى ڤه هێته هه‌لبژارتن”.
رووداو وه‌سان ژى دايه دياركرن كو ژ به‌ر كو ئه‌ڤێ كه‌سێ داخۆيانى دايى ماف نينه ب ناڤێ گۆڕان داخۆيانيان بده‌ت ژ به‌ر هندێ نه‌خواستيه ناڤێ خوه ئاشكه‌را بكه‌ت به‌لێ دده‌ته زانين كو ئه‌و دبێژيت: “هه‌كه پارتى ب ڤان دو مه‌رجان رازى بيت، ئه‌و كێشه دێ ب ساناهى چاره بيت”.