ئوتێله‌كا دهۆكێ فتارێ بۆ شوفێرێن ته‌كسیان دابین دكه‌ت
ئه‌ڤرۆ نیوز:
ب هه‌لكه‌فتا ره‌مه‌زانا پیرۆز، كومپانیا ستاروود كو ئوتێلا شیراتون ل دهۆكێ برێڤه دبه‌ت رابوو ب رێكخستنا سندوقه‌كێ كو چه‌ند خوارن و ڤه‌خوارن بۆ فتارێ تێدابوون و ب سه‌ر چه‌ند شوفێرێن ته‌كسى یێن پارێزگه‌ها دهۆكێ كار دكه‌ن به‌لاڤكرن كو مه‌ره‌م ژێ ئه‌وه شوفێرێن ته‌كسیان دده‌مێ بانگدانێ دا، گه‌له‌ك جاران نه‌فه‌ر ل گه‌لدانه و ناگه‌هن بچن فتارا خوه بكه‌ن.
ستاردوورد ژ سالا 2010 وه‌ره، ده‌ست ب رێكخستنا فتارێ بۆ شوفێرێن ته‌كسیان كریه و بوویه نه‌ریته‌ك هه‌ر سال فتارێ د سندوقه‌كێ دا دده‌نه شوفێرێن ته‌كسیان و هه‌تا نوكه زێده‌تر ژ سێ هزار وه‌جبێن خوارنێ ب سه‌ر شوفێران ل سه‌رانسه‌رى جیهانى به‌لاڤكرینه.
