د کاودانێن ئابووریێن سەخت دا دێ کێ کەیە میراتگرێ خوە: کچ یان کوڕ؟
ئه‌ڤرۆ نيوز:
ڤەکۆلینەکا نوو دیار کر کو دایک و باب ل پرانیا جاران باشتر دبینن کو پشتەڤانیا دارایی ل زارۆیێن خوەیێن کچ بکەن ل شوونا کوڕان دەمێ پێشبینیا رەوشەکا ئابووریا نەخۆش دکەن.
ھەروەسا ڤەکۆلینێ دیار کر کو پرانیا پشکداران باشتر ددیت کو کچێن خوە تەڤلی بەرنامێن داھاتێن دارایی بکەن، و بەھرا پتر یا مالێ خوە بۆ کچان بھێلن دەمێ ھەست ب رەوشا ئابووریا سەخت دکەن.
بەرھەڤکەرا سەرەکی یا ڤەکۆاینێ “کریستینا دورانتی” مامۆستایا بازارکرنێ ل زانکۆیا روتجەرز یا کاروباران ل ئەمریکا گۆت: ھەمی دایک و باب دبێژن کو ئەو چ زترۆیێن خوە ب سەر یێ دی نائێخن، بەلێ دەمێ رەوشا ئابووری تێکدچیت بێی زانەبوون ئەو کچان ژ کوڕان باشتر دبینن.
د دووڤچوونێن خوەدا ڤەکۆلەران وەسا ئاشکرا کر کو دەمێ دایک ھەست پێدکەن کو دێ رەوشەکا ئابووری یا سەخت ھێت وان ٦٠% ژ مالێ خوە بۆ کچان دیار کر بەرامبەر ھەکە رەوشا ئابووریا یا باش با ٥٠/٥٠ د ناڤبەرا وان دا بارڤە دکر.
“فلاداس گریسکفیشوس” ژ کولیژا کارلسۆن یا کاری ل زانکۆیا مینیسوتا دیار کر کو ئەڤ ئەنجامێن ل نک مرۆان گەلەک وەکو رەفتارێن فیتری یێن گیانەورێن دی نە.