بۆچى زه‌لام ته‌ماشه‌ى سنگێ ژنان دكه‌ن
ئه‌ڤرۆ نیوز،زنار تۆڤى:
سنگێ ژنان یێ بچووك بیت یان یێ مه‌زن بیت،سه‌رنجا زه‌لامان رادكێشن،هه‌ر چه‌نده زانایان هۆكارێن هوور و راستى بۆ وێ سه‌رنجراكێشانێ نه‌دیتینه،به‌لێ شاره‌زایه‌كێ زانكۆیا ئیمۆرى بۆ ڤه‌كولینێ دبێژیت:هۆكاره‌ك بۆ ڤێ دیاردێ هاتیه دیتن.
لارى یۆنگ شاره‌زایێ بوارێ ڤه‌كولینێ ل كوئه‌ندامێن ده‌مارێن مرۆڤى،كو ل زانكۆیا ئیمۆرى ل ویلایه‌تا ئه‌تلانتا ئه‌مریكا كار دكه‌ت،حه‌زا ره‌گه‌زێ نێر بۆ سنگێ ژنان ڤه‌دگه‌رینیت بۆ سه‌ر ده‌مێ زارۆكینیێ،سالوخه‌تێن مێینه دبنه ئه‌گه‌رێ دروستبوونا په‌یوه‌ندیان دناڤبه‌را زارۆكى و دایكێ دا هه‌تاكو دگه‌هیته قۆناغا شیر خوارنا سرۆشتى یا دایكێ ژلایێ زارۆكیڤه.
لارى یۆنگ دبێژیت:زارۆك ب سرۆشتى و هه‌ر ژ ده‌ستپێكا شیر خوارنێ لگه‌ل سنگێ دایكێ رادهێت و ئه‌ڤه‌ژى رێژه‌یا ده‌ركرنا هۆرمۆنێ ئۆكسیتۆسین د له‌شێ دایكێ دا زێده دكه‌ت كو دبێژنه وى هۆرمونى بێهوشكه‌رێ حه‌ژێكرنێ یان هۆرمونێ حه‌ژێكرنێ،كو به‌رپرسه ژ بهێزكرنا سۆزا دایكێ و وه‌لێ دكه‌ت كو زێده‌تر گرنگیێ ب زارۆكى بده‌ت و رۆل هه‌یه بۆ چالاككرنا خانێن شیرى و بله‌زكرنا ژ دایكبوونا زارۆكى.
ڤى هۆرمۆنى كاریگه‌ریه‌كا زۆر هه‌یه ل سه‌ر په‌یوه‌ندیێن دایك و زارۆكى و په‌یوه‌ندیێن ژن و مێران،هه‌روه‌سا كاریگه‌رى ل سه‌ر بارێ ده‌روونیێ دایكێ و چاوانیا په‌یوه‌ندیێ ب زارۆكى ڤه هه‌یه،ئه‌و هۆرمونه وه ل دایكێ دكه‌ت كو هه‌سته‌كێ جوان لده‌ف درۆست ببیت و گه‌شه بكه‌ت بۆ هندێ كو دایك زۆر حه‌ز بكه‌ت كو شیرى بده‌ته زارۆیێ خوه.
هه‌روه‌سا هۆرمونێ حه‌ژێكرنێ وه ل ژنان دكه‌ت كو گرنگیه‌كا زێده‌تر ب هه‌مى هه‌ڤبه‌شێن خوه بده‌ن،وه‌ك لارى یۆنگ دبێژیت:ده‌مێ ژن د په‌یوه‌ندێن گه‌رموگۆردا سنگێن خوه ب هه‌ڤبه‌شێن خوه دبه‌خشن،هه‌ستێ هندێ لده‌ف ره‌گه‌زێ به‌رامبه‌ر خوه دروست دكه‌ن كو وه‌سا بزانن ژنان ئه‌و خۆش دڤێن. به‌لێ فران ماسیا ڤه‌كۆله‌ره‌كێ بوارێ ئه‌نسرۆپولوجیا و بسپوره ل بوارێ ره‌فتارێن مرۆڤى و جڤاكى ل زانكۆیا نیۆجێرسى ل ئه‌مریكا دبێژیت:ئه‌ز دگه‌ل بیروبۆچوونێن لارى یۆنگ نینم،ئه‌وێ وى به‌حسكرى د هه‌مى كۆمه‌لگه‌هان دا نینه،سه‌ره‌راى شرۆڤه‌كرنا لارى یۆنگى و جۆداهیێن فران ماسیا،لێ هه‌تانوكه چ تیۆرێن گشتى نینن كو هه‌مى ل سه‌ر رێكه‌فتبن بێى جۆداهى،چونكى لده‌ف پتریا زه‌لامان وه‌سایه ئه‌ڤ ره‌فتارا زه‌لامان بۆ به‌رێ خودانا سنگێ ژنان بێ ئه‌ده‌بیه و چ تشتێ دیتر نینه.