وەریانێ پرچێ ھندەک جارا خرابیێن خوە ھەنە
ئه‌ڤرۆ نيوز:
پرسیار ل ڤێرێ ئەوە کەنگی وەریانا پرچێ تشتەکێ نەباشە؟ دڤێت ل جارا ئێکێ تو بزانی کو ھەکە رۆژانە ١٠٠ موی ل پرچێ تە ب وەریێن تشتەکێ نۆرمالە، ئەڤە ل دووڤ گۆتنێن د.جیفیری جاربر و سەرۆکێ کومەلا ئەمریکی یا یا زانستێ گلاندێن کەراتیێ، و ھەتا ھەکە پرچێ تە تەنک ببیت ژی، نە تشتەکێ ب مەترسی یە و ئەو ژ گوھۆرینا ھورمونان پەیدادبیت، بۆ نموونە: ھەکە تو دەرمانێن دەستنیشانکرنا زارۆبوونێ ب کاربینی و تو ژێ راوەستیای، یانژی ل دەمێ زارۆیەک ژبەر ژنەکێ بچیت یان زارۆیەک دبیت، ل وان دەمان تشتەکێ نۆرمالە پرچ ب وەریێت، ئەوژی ژبەرکو لەش رادبیت ب دووبارە رێکخستنا خۆ. ئانکو ئەڤە رامانا وێ چەندێ ددەت کو ئالوزیێ بۆ خو پەیدانەکەی و دێ بخو چارەبیت.
ژبۆ تەکەزکرنێ کو پرچێ تە یێ د قوناغەکا ب مەترسی دا ژ وەریانێ،دکتور جاریر شیرەتان ل تە دکەت کو پشکنینا پرچێ خۆ بکەی، ئەوژی دێ رابی ب گرتنا ھندەک موویان و دێ شدینی و بەرێ خۆ بدێ کا چەند موی دێ وەریێن. ھەکە ژ پێنج موویان پتر وەریان ل وی دەمی یە پێدڤیە بابەتی ب گرنگی وەربگری و پەیوەندیێ ب نوشدارێ خۆ یێ تایبەتمەند بکەی. و نوشدار دێ رابیت ب پشکنینا کەڤلێ سەرێ تە و رەنگە ھندەک جاران بخوازیت پشکنینێن خوینێ ئەنجام بدەی ھەتا بشێت ئاریشەیا تە دەست نیشان بکەت.
د.گاریر رادگەھینیت کو کێمیا کەرستێ ئاسنی و زنکی و بایوتینی یان ڤیتامین بی، دشیاندایە ببنە ئەگەرێ پرچ وەریانێ و رەنگە ژی ژبەر نەخۆشیا پەریزادێ پرچ ب وەریێت.
ھەکە ھات و گوھۆرینەک کەتە درێژیا موویێن پرچا تە ژ ھەر ئەگەرێ ل سەری دیارکری بیت، پێدڤیە شیرەتان ژ نوشداری وەربگری و د.سکولا دبێژیت: نەخوش د پتریا دەمان دا گوھۆرینێن درێژی و کورتیا موویێن پرچێ دبینن، ب تایبەت ل دەمێ بێ ئارامی و فشارێن دەروونی ھەبن یانژی ل دەمێ تووشی نەخۆشیەکا ب مەترسی یان کیبَمبوونا ئاستێن ئاسنی د لەشیدا دبن.
