داخوازا لێبۆرینێ دكه‌ت
ئه‌ڤرۆنیۆز، ئه‌یاد به‌روارى
وێنه‌گرا كه‌نالێ NI TV یێ هنگاری ئه‌وا ره‌فتاره‌كا نه هه‌ژی به‌رامبه‌ر مشه‌ختبوویێن سووری بكارئیناى، داخوازا لێبۆرینێ دكه‌ت و دبێژیت ئه‌ز یا دل ره‌ق نینم و من هزر دكر ئه‌ز یا به‌ره‌ڤانیێ ژ خوه دكه‌م.
بیترا لازلو ئه‌و وێنه‌گرا هنگاری ئه‌وا ژبه‌ر وێ ره‌فتارێ ژ ته‌له‌ڤزیۆنێ هاتیه ده‌ركرن د نامه‌كێ دا بۆ رۆژناما Magyar Nemzet یا هنگاری دبێژیت” ل ده‌مه‌كی من كارێ خوه یێ وێنه‌گرتنا مشه‌ختبوویان دكر، ژ نشكه‌كێڤه ب ده‌هان مشه‌ختبوویان هێلێن پۆلیسان ل سه‌ر سنۆرێ هنگاریا ل گه‌ل سربیا شكاندن و ل وی ده‌می ئێك ژ مشه‌ختبوویان به‌ر ب من ڤه هات و ئه‌ز ژێ ترسام و من هزركر یێ هێرشێ دكه‌ته سه‌ر من و پێدڤیه به‌ره‌ڤانیێ ژ خوه بكه‌م و ل ده‌مێ ترسێ دا بریاردانا راست كاره‌كێ ب زه‌حمه‌ته”.
گوت ژی “به‌رپرسیاره‌تیا وی كاری د ستوویێ من دایه، لێ ئه‌ز یا دل ره‌ق و ره‌گه‌زپه‌رست نینم كو شه‌قا ل زارۆكان بده‌م”.
ل دووماهیێ دبێژیت” ئه‌ز ژنه‌كا بێكارم، دایكا چه‌ند زارۆیه‌كێن بچووكم و من بریار و ره‌فتاره‌كا خراب كریه، مخابن ئه‌و چه‌نده روودای”.
