وهزارهتا شروڤهكرنا خهونا!
وهلات، ئاخ، ئازادی، سهربهستی، دیموكراسی، شورهش، ئهڤه ئهو دروشمن یێن ب هزاران كهسان خو بۆ كریه قوربانی تا ئهڤرۆ ئهم پیرۆز دبینین، لێ نه ژ بو وێ یهكێ هندهك حهفتیار بهێن مه ب خوون و ئهم درازی و مهمنون بین، نه ژ بوَ وێ یهكێ هندهك بنگهه و وهزارهت و رێكخراو و سهنتهر بهێنه دانان بهس بۆ وێنه، جاران ئهز ب شهڤێ خهونهكێ بو خوه چێدكهم و سپێدێ بو خوه شروڤه دكهم ب دروستی وهكی بریارێن وهزارهتێن كوردستانێ، لێ پشتی ئهز د ئهنجامان دا شكهستنێ د ئینم من دڤێت وێ خهونێ ب گوهرم ب ئێكا دی! ڤێجا ما بو من چ گرنگه چهند مهزاختن لێ بچن گرنگ ئهوه ئهز بێ پیلان و بسپوری و زهحمهت كار بكهم. ههما ئهز ژی دێ وهزارهتهكێ دانم ناڤێ وێ كهمه وهزارهتا شروڤهكرنا خهونا مانێ یا بساناهی یه بتنێ دێ بوَ خوه رازی بونێ ئینم! دێ ههرا ژ خوه یه كا دا بوَ ههوه خهونا خوه یا بترس بێژم!
شڤێدی د خهونهكا مهحال دا ئهز چوومه وهلاتێ سهیر و سهمهرا ئهو وهلات ههتا نیڤێ د قهیرانان دا خهندقی بوو، ههمی د رازی و بێدهنگ بوون! ئهڤه بوَ من یا سهیر نهبوو لێ تشتێ بوَ من جهێ حێبهتیێ ل وی وهلاتێ ژ چوار پارێزگهها پێك دهات پتری وهلاتێ ئهمریكا وهزیر و وهزارهت ههبوون! ل وی وهلاتی پهرلهمانهكێ دوو ئیدارهی ژی ههبوو، ههچكو ژ راست ئهو وهلات وهلاتێ سهیر و سهمهرا بوو، ئهز پیچهك برێڤه چووم من گوه لێ ههیه دهنگهگ ژ دویرڤه یێ ڤهدهت: بریار هاته دان حكومهت چاكسازیا ئهنجا م بدهت و ژڤان خالێن خوارێ دێ دهست پێكهت: بریارا لابرنا وهزارهتان هاته پهسهند كرن ئێكهم وهزارهت وهزارهتا كاروبارێن ئاینی! چاڤێن من دناڤ سهرێ من دا زل بوون ئاین!!! ل داویێ خهلكێ ڤێ پارچا ئهردی زانی سیاسهت بكیش كراسی دهێته بویاغ كرن خوزی جارهكێ چوبامه ئهسمانا و من بهرێخوه دابا ئهردی كا ب درێژیا دیروكێ چهند خوین ل بن پهروهردا ئاینێ هاتیه رشتن چهند قوربانیا ئهو گهڤال رهنگ كریه تا ئهڤرۆ بویه پیروزی؟ من پاشتر گوهێن خوه ڤهكرن كا چ بریارا دی یا بترس هاتیه دان گوت: زارویا فێری پرهنسیپێن ڤیانێ و ئاشتی و مروڤاتی و رێزگرتن و بهرپرساتیێ بكهن ل جهێ ستونێن ئاینی. زارو!! ههچكو گریا وان زارویێن جادا و ئهو پهیامێن نهفرهتی یێن پێشكێشی وهلاتی دكرن تشتهك پێڤه هات! ئهز باشتر بهرهڤ وی جهێ بریار لێ دهاتنه خواندن ڤه چوم من ئاگهه ژێ بوو دبێژیت: دووهم وهزارهت وهزارهتا سامانێن سروشتی! من بوَ خوه دگوت وهی قهداف سامانێ سروشتی بكهڤن ما ژ مروڤا بوهاتر ههنه ل ههمی جیهانێ مروڤه خزینه و سامان ههكه كار ل سهر بكهن دێ بیته بهرههمدار ترین سامان، ل دویڤ پیڤهرێن فیزیای ههمی سامانێن سروشتی نامینن و دێ هشك بن لێ مروڤێ گهنج دێ ههر مینیت بهرههمدار ههكه هوین كار لسهر مراندنا وی نهكهن یا دی ژی كیش سامانێن سروشتی یه وهزیر و وهزارهت ههی كا كههرهب و ئاڤ و گاز و پهنزینێن وه یێن سهربهخو؟! هێش هزرا من تهمام نهبووی دبهردهوامیێ دا گوت: وهزارهتا پیشهسازی، پیشهسازی؟ََ!! ب راستی ئهڤه وهلاتێ سهیرو سهمهرانه هوین ب خودێ كهن چ پیشهسازی یه ههر ژقاتا بهر وهزیری ب گره و ههتا جلێن هوین خو پێ ستاره دكهن و جلێن (داخلی) ههمی یێ ژ وهلاتێ بیانی دهێن ئاخر كیش پیشهسازی یه وهزیرهكی و مونیكایهكی و ئوفیسهكێ و وهزارهتهكێ و مستهشار و كارمهندا ب خوڤه بگریت و مهسرهفی بكهن؟! كا دا باش نێزیك بم یا دیڤ دا چ یه؟
وهزارهتا كشتوكالی دێ كهرهمكه كشتوكالی ژی ل ڤی وهلاتی وهزارهت ههیه؟ پانێ یا ئهز دزانم خوه كهرهفس ژی ژ ئیرانێ دهێت دهمێ سنور دهێنه گرتن ئهم برسی دمینین دوهی دهمێ چویمه ماركێتێ گوت” هێك نینن ژ بهر كو سنورێ تركیا یێ هاتیه گرتن” پا ڤێجا ئهڤ وهزارهته چ كار دكهت؟
ئهرێ ههكه ئهڤ وهزارهته ههمی یه بهێنه راگرتن دێ چهند داهات بو وهلاتی زڤریت؟ من بهردهوامی نهدا رێكا خوه چنكو وان بریارا ئهز حێبهتی كرم من ههر تهپ ل سهرێ خودان دا بزانم كانێ ڤێرێ ههرێما كوردستانێ یه یان كومارا ئهفلاتونی یه، وهزارهتا ساخلهمیێ، ساخلهمیا چ! ههكه من ژی پاره ههبان وهكی سهیدای زلكهك چوبا چاڤێ من دا دا چمه ژ دهرڤه بو چارهسهریێ.
من گوهلێ بو بریار هاته دان پهرلهمان بهێته لابرن ژ بهر كو هێش گهلهكا مای ئهڤ پارچا ئهردی نوینهرا بو خوه ب ههلبژێرێن مادهم ههتا نها عهشیرهت پیڤهره، دهربارهی كهرتێ پهروهردێ بریار هاتیه دان بابهتێ مێژوو و جوگرافیایێ پێش ژیێ 15 سالی نههێته خواندن، زارویا فێری سنور و مێژویا وهلاتا نهكهن بهلكی فێری ڤیان و مروڤاتی و رێزگرتن و ههستا بهرپرساتیێ بكهن، فێر بكهن ههر جههكێ مروڤ و مروڤاتی لێ بیت ئهو جه وهلاتێ وی یه، ههروهكی حكومهت یا پێنگاڤا د هاڤێژیت وهلاتی بكهته كهوكهبهكا نوی بهرهڤ ئاستێ وهلاتێن پێشكهفتی ببهت راستی بریارێن وێرهكن!! من باش چاڤێن خو ڤهنهكربون لێ من ئاگهه ژێ ههبوو بێژهرا دهنگ و باسان دگوت: ئهڤرو دێ موچێ وهزارهتا نافخۆ هێته دان.
