رۆژانه هه‌شت هزار ئیراقی و سووری كۆچبه‌ری ئه‌ورۆپا دبن
ئه‌ڤرۆ نیۆز، ئه‌یاد به‌روارى:
به‌رپرسه‌كێ نه‌ته‌وێن ئێكگرتی راگه‌هاند، رۆژانه هه‌شت هزار عیراقی و سووری دگه‌هنه وه‌لاتێن ئێكه‌تیا ئه‌ورۆپی، دیسا رۆژانه ژی پێنج هزار په‌نابه‌ر دگه‌هنه یونانێ.
ئه‌مین عه‌وه‌ز رێكخه‌رێ هه‌رێمایه‌تی یێ نه‌ته‌وێن ئێكگرتی بۆ كاروبارێن په‌نابه‌ران بۆ ئاژانسا رویته‌رز گوت” پتریا په‌نابه‌رێن دگه‌هنه ئورۆپا ژ ده‌ڤه‌رێن شه‌ڕ لێ هه‌ی دهێن و ئه‌م پێشینیا هاتنا په‌نابه‌ران بۆ ئورۆپا ل زڤستانێ ژی دكه‌ین”.
پتریا په‌نابه‌رێن دگه‌هنه ئورۆپا دخوازن به‌ر ب ئه‌لمانیا بچن و شیره‌تكارا ئه‌لمانیا (ئه‌نگیلا میركل) وه‌لاتێن ئێكه‌تیا ئورۆپی هاندان كو پێشوازیێ ل په‌نابه‌ران بكه‌ن، د ئه‌ڤ ساله دا ئه‌لمانیا پێشبینیا هاتنا 800 هزار په‌نابه‌ران بۆ ناڤ ئاخێ وێ دا دكه‌ت.
