هه‌ڤژينێ ته ب تنێ تو بۆ سكسى دڤێى؟
ئه‌ڤرۆ نيوز:
دێ چاوا زانی ھەڤژینێ تە حەز ژ ناخ و گیانێن تە دکەت یان ب تنێ حەز ژ لەشێ تە دکەت و پشتی ھەڤبەندیێ پشتا خوە ددەتە تە؟ ئەرێ ڤیان و حەز ب پێکڤە د ھەڤڕکیەکا راست و بەردەوام دا دراوەستن؟ ئەرێ ھەڤبەندیا ھەوە یا گەرم دەربڕینێ ژ ئەڤینێ دکەت یان حەزێ؟ ئەرێ من دڤێت تە خەلات بکەم و ناخێ خوە بدەمە تە؟ یان تە دڤێت وەکو ئالاڤەکی تە بکاربینم بۆ تێرکرنا حەزێن خوە؟ ئەڤینی نە سیکسە وەکو ھندەک دکەنە کەرستەکێ بەکاربەر، ئەڤینی ناخ و گیانان بلند دکەت بێی حەزێن لەشی.
ھەڤبەندیا گەرم و ئەڤینی د ناڤبەرا ھەردو ھەڤژینان دا.
ئەڤینی نابیتە حەز بەلێ تمامکەرێ وێ یە د قووناغا پشتی ھەزژینیێ دا چونکو گەلەک کارێن دی یێن ھەین وەکو رێککەفتنا مێشکی و دلی ل نک ھەردو لایان ل گەل گونجاندنا جڤاکی و رەوشەنبیری د ناڤبەرا ھەردو خێزانان دا و ھەڤبەندی دبیتە تمامکەر. و حەز ژی نابیتە ئەڤینی چونکو د بنیات دا ل سەر بەرژەوەندەکا دیار دھێتە ئاڤاکرن یان داخباربوون ب لەشی ب تنێ و ئەڤ داخباربوونە نامینیت ھەردەمێ رەوش ئالۆز بوو چونکو ھەڤبەندی ب ڤی شێوەی یا خاڤە و چو ھەڤبەندی ب ئەڤینێ ڤە نینە.
بۆچوونا زانایێن دەروونی:
زانایێن دەروونی دیار دکەن کو شرۆڤەکرن بۆ ئەڤینێ نینن، یان چو زانینەکا راست نینە بۆ ژێکجوداکرنا حەزێ و ئەڤینێ، مامۆستایەکێ زانستێ دەروونی دەمێ دڤا ھەڤبەندی و جوداھیا د ناڤبەرا حەزێ و ئوڤینیێ دا دیار بکەت وەسا دیت کو چو رێ بۆ شرۆڤەکرنا ئەڤینیێ نینن ھەکە ب تنێ ئەم وەسا ببینین کو پێڤیەکا لەشی یە. د راستی دا ئەڤینی ناخێ مرۆڤی بلند دکەت، ھەر تشتێ مرۆڤ بکەت ژی حەزێن مرۆڤی ھشیار دکەت و یا ھاریکارە بۆ ئافراندنا سەقایەکێ دەروونی یێ گونجای بۆ ژدایکبوونا ئەڤینیێ، ھەبوونا بەلگەیێن ئەڤینیێ نابیت بیتە جووتبوون، بەلێ خوە رزگارکرنە ژ تنکاتیا دەروونی، ئەڤە وێ رامانێ ددەت کو ئەڤینی مرۆڤی ژ فشارا ھێزا رەوشتی رزگار دکەت و ئەڤینی دبیتە ئەو شیان یا رێ ددەت کو دو کەس بمیننە ب پێکڤە.
ئێک: نیشانێن حەزا سیکسی:
داکوکیکرنا ھەردو لایان ل سەر سەروسیما و لەشێ یێ دی.
گرنگیێ ددەنە ھەڤبەندیا سیکسی و نە گێرانا سحبەتان.
حەز دکەن ھەڤبەندی ل سەر ئاستێ خەونێ بمینیت ل شوونا گەنگەشەکرنا ھەستێن راست.
پشتی ھەڤبەندیا سیکسی دڤێت بلەز بچیت ل شوونا د ھەمبێزا کەسێ دی بنڤیت.
دو: نیشانێن ئەڤینیێ:
ھەردویان دڤێت دەمەکێ خۆش ب ھەڤرا ببۆرینن ل شوونا ھەڤبەندیا سیکسی.
دکەڤنە سحبەت و گەنگەشان و ھەست ب بۆرینا دەمی ناکەن.
ھەردویان دڤێت ب راستی گوھێ خوە بدەنە ھەستێن ھەڤدو.
ھەر ئێکی دڤێت کەسەکێ باشتر بیت.
حەز دکەت تێکەلیا خێزانا لایەنێ دی و ھەڤالێن وی بکەت.
سێ: خیانەتا ھەستان:
نە یا گرنگە کو زەلام خیانەتێ ل ھەڤژینا خوە ب رێیا ھەڤبەندیا لەش ل گەل کەسەکێ دی بکەت، بەلێ ھەکە خو د ئاشۆپا ھەڤبەندیەکا دلینی ژی دا بژیت دبیتە خیانەت.
گەلەک جاران ھەڤبەندی د ناڤبەرا ھەڤژینان دا یا باشە ژی و ل گەل ھندێ لایەنەک خیانەتێ ل یێ دی دکەت و ئەگەر ژی بۆ گەلەک ھۆکاران دزڤرن وەکو رەفتارا نە دروست ل گەل ئاریشان یان کێم ھەڤبەندیا ھەردو لایان و ئەڤە ڤالاتیەکێ پەیدا دکەت کو ئەڤە چریسکا ئێکێ یا خیانەتێ یە.
