بۆرج ل سەر دەمێ سازانێ
ئه‌ڤرۆ نيوز:
کاڤڕ: ڤان رۆژان تو دێ ھێیە دەستسەرکرن چونکو تە قستێن کۆمپانیێ و کرێ یا خانی نەداینە، و تو ھزر د ئینانا ژنا دویێ دا دکەی.
گا: ھشیار بی گەلەک مایێ خوە دسیاسەتێ دا نەکەی چونکو رەوش گەلەک یا ئالۆز بووی، ل مال ئامانان بشۆ و بالاڤێ بکە ژ سیاسەتا نوکە باشترە.
جێمک: گەلەک ھزرا حوکمەتێ نەکە ڤان رۆژان دێ بھایێ ئاڤێ ھێتە دەستنیشانکرن پشتی پیڤەرێن نوو داناین، پانزین ژی چو جاران ئەرزان نابیت.
کێڤژالە: ھزر د ئاڤاکرنا خانیەکێ زێدەگاڤی دا نەکە چونکو باژێرڤانی دێ خراب کەت، ھەکە تە بڤێت وەبکەی خۆ بگەھینە بەرپرسەکی.
شێر: راستە حوکمەت گەلەک یا ئالۆزە ڤان رۆژا، بەس پشتا چو حزبا نەگرە چونکو ھەکە ئەو حزب چوو تو ژی دێ چی.
کچ: خودێ تە بپارێزیت، گەلەک نەچە بازاری دێ خەلک تە چاڤین کەت، نە ژ بەر جوانیاتە بەلکو دێ بێژن ڤێ ئەزمێ پارا ژ کیڤە دئینیت؟
تەڕازی: ئەو پارێن تە ب مێھڤانداریا ژ دەستداین بزاڤێ بکە ل سیکا چەلێ قەرەبوو بکە.
دووپشک: ڤان رۆژان گەلەک مەعزوماتان نەدانە، چوکو ھەمی د مفلسن و کەس نەشێت بۆ تە چبکەت، ئەو پارێ تە ھەی بۆ خوە بھێلە.
کڤان: ھندەک دەستکەفتێن پێشبینیکری یێن ھەین، بۆ خوە گاز و غازا ل مال عمبار بکە بەری زڤستان بھێت.
گیسک: تە بەختەکێ باش یێ ھەی، ل چللێ زڤستانێ ب قەمسەلەی دێ چیە مووچێ چللێ ھاڤینێ.
سەتل: خۆشتڤیێ تە یێ د مەترسیێ دا، رێ نەدێ بچیتە سلێمانیێ چونکو دبیت فیشەکەک ژ کولانەکێ بھێت ب تەنشتا وی بکەڤیت یان ھندەک قەسێن کرێت بێژنێ چونکو خەلکێ دھۆکێ یە.
نەھنگ: ئەو پارێن ب گەندەلیێ تە کۆمکرین بۆ تە بەسن، ھزر د زێدەتر پاران دا نەکە و بمینە ل ھیڤیێ بەلکو تە فەێلکەن و پلیپتکانێ ب وان پاران بکە.
