ل ڤان گۆندێن پارێزگه‌ها دهۆكێ به‌فر يا د باريت

ئەڤرۆ نیوز، زنار تۆڤی:

ژ ئەنجامێ ھاتنا پێلەکا سەرمایێ و نزمبوونێ پلێن گەرمێ ئەڤرۆ روژا سێشەمبی ١٠-١١-٢٠١٥ و پێلەکا بەفرا دەڤەرا بەرواری بالا ڤەگرت و د ئەنجامدا بەفر ل سەنتەرێ ناحیا کانی ماسێ و چەندین گوندێن دی باریە.

رۆژھات ئەحمەد کەسەکێ خۆجھێ ناحیا کانی ماسێ بە بۆ ئەڤرۆ نیوز دیارکر:کو ئەڤرۆ رۆژا سپَشەمبی پێلەکا بەفرێ دەڤەرا بەرواری با ڤەگرت و د ئەنجادا لدۆرێن ٥ سەنتیمێن بەفرێ ل کانی ماسێ بارین و ل خالا گۆمرکا سەرزێری و بارۆخێ پتر ژ ڤێ رێژێ بەفرێ ھاتیە.

ھەروەسا گۆت:ل گوندێن دێریشکێ و بێدۆھێ و مایێ و بناڤیێ و ھەدێنە و ئورە و چەندین گوندێن دیتر بەفر باریە. ھەروەسا ل چیایێ مەتینا و ل پتریا چیایێن ل دەڤەرا بەرواری بالا بەفر باریە و سەقایێ دەڤەرێ گەلەک ساربوویە و دیسن رێژەیەکا ئێکجار زۆر یا بارانێ ژی باریە.

کۆمێنتا تە