مام جه‌لال دێ ڤه‌گه‌ريته ئه‌لمانيا
ئه‌ڤرۆ نيوز:
وه‌سان بڕياره سوبه‌هى مام جه‌لال سكرتێرێ گشتيێ ئێكه‌تى نشتيمانى كوردستان ب مه‌ره‌ما پشكنينان سه‌ره‌دانا وه‌لاتێ ئه‌لمانيا بكه‌ت.
سكرتێرايه‌تيا سكرتێرێ گشتيێ ئێكه‌تى نشتيمانى كوردستان د روونكرنه‌كێ دا كو وێنه‌ك ب ده‌ست ئه‌ڤرۆ نيوز كه‌فتيه ئاماژه ب وێ چه‌ندێ كريه كو بڕياره سوبه‌هى رۆژا شه‌مبى رێكه‌فتى 14ى چريا دويێ يا ئه‌ڤ ساله، مام جه‌لال ب مه‌ره‌ما پشكنينێن ئاسايى سه‌ره‌دانا ئه‌لمانيا بكه‌ت.
د وێ ده‌ربارێ دا، نوشدارێ تايبه‌تێ مام جه‌لال راگه‌هانديه: “بڕيار بوو چه‌ند هه‌يڤه‌كان به‌رى نوكه سه‌رۆك مام جه‌لال ب مه‌ره‌ما وێ زنجيرا پشكنينا سه‌ره‌دانا ئه‌لمانيا بكه‌ت، به‌لێ ل سه‌ر داخوازى و خواستا خوه بۆ ده‌مه‌كێ دى هاتبوو داخستن، نوكه ب ده‌مه‌كێ باش و گۆنجاى دزانين بۆ ئه‌نجامدان و گه‌هاندنا وێ زنجيرا شكنينان، ب ئانه‌هيا خودێ پشتى ئه‌نجامان دێ ب سلامه‌تى ڤه‌گه‌ريته ڤه بۆ وه‌لاتان”.
نوشدارێ تايبه‌تێ سه‌رۆك مام جه‌لال ئه‌و ئێك ژى راگه‌هاند، ل وى ده‌مى داخوازا چاره‌سه‌ريێ ل ئه‌لمانيا ڤه‌گه‌ريايى كو زێده‌تره ژ ساله‌كێ ب چاڤدێرى و رێنمايا تيمێن نوشدارى يێن مه ل ڤێره چاره‌سه‌ريا نوشدارى يا به‌رده‌وام بۆ كريه، خۆشبه‌ختانه ئه‌نجامێن وێ د هه‌موو ئاستان دا د ئه‌رێنى و دلخۆشكه‌ر بوون و رۆژ ب رۆژ ساخله‌ميا سه‌رۆك مام جه‌لال د پێشڤه‌چوونێ دايه، ئۆمێد دهێته كرن كو زێده‌تر پێشكه‌فتنێ ب خوه ڤه ببينيت.
