دەرگەھێ ڤەگوھاستنا مامۆستان ژ پەروەردا دھۆک رۆژئاڤا بۆ رۆژھەلاتا ھاتیەڤەکرن
ئه‌ڤرۆ نيوز:
رێڤەبەرێ گشتیێ پەروەردێ ل پارێزگەھا دھۆکێ دیار کر، ھەتا نوکە پتر ژ دەە مامۆستایان فەرمانا ڤەگوھاستنێ بۆ دەرکەفتیە کو ژ پەروەردا دھۆکێ رۆژھەلات بچنە پەروەردا رۆژئاڤا و نەچوویە، چونکو دزانن ئەگەر بچن دێ وانا بێژن و گۆت: ب فەرمانا وەزیرێ پەروەردێ دەرگەھێ ڤەگوھاستنا مامۆستان ژ پەروەردا دھۆک رۆژئاڤا بۆ رۆژھەلاتا ھاتیەڤەکرن و ب وی مەرجەی کو ١٢ سال خزمەتا ب دورستی ھەبن و تەمامکرن.
عەبد یوسف رێڤەبەرێ گشتیێ پەروەردێ ل پارێزگەھا دھۆکێ زێدەتر بۆ رۆژناما ئەڤرۆ گۆت: ١٦٠٠ قوتابخانێن بنەرەت و ئامادەیی ھەنە و پێنچ پەیمانگەە ھەنە سەر ب وەزارەتا پەروەردێ ڤە ھەنە، دیسان ھەژمارا قوتابیان نێزیکی ٤٧٠ ھزار قوتابیان ھەنە و رۆژانە د گوھۆرینێ دایە، ھەتا ٢٢ ھزار مامۆستایان ھەنە و ١٣ ھزار سەر ب پەروەردا گشی ڤە ھەنە.
رێڤەبەرێ گشتیێ پەروەردێ گۆت: مە پێدڤی ب مامۆستایان ھەیە و تایبەت مامۆستایێن ئامادەیی دەرچوویێن کولیژا پەروەردێ و زانستی بن، لێ جھێ داخێ یە پێشتر ژی مە دەنگێ خوە گەھاندیە وەزارەتا خواندنا بلند و پەروەردێ ژی، داخاز دکەین کولیژا پەروەردێ ل زانکۆیا دھۆکێ بھێـتە ڤەکرن، چونکو مە ١٠ پەروەردە ھەنە و مە پێدڤی ب مامۆستایانە و ب تنێ دەرچوویێن ڤێ کولێژێ رۆلەکێ ھەرە باش دگێرن، ھەکە نەھێتە ڤەکرن دێ ئاریشە ل پاشەرۆژێ زێدەبن، چونکو ئەڤە چەند سالە نەبوویە، ئەم نەچاربووینە دەرچوویێن زانستی و کارگێری ئابووری و ئادابێ ب دامەزرینن، ئەو ژی دچنە خولا و پاشان دھێنە بەرھەفکرن بۆ خواندنێ. زێدەتر دبێژیت: گومان نینە کارتێکرن ل ئاستێ زانستی دھێتە ھاتیەکرن و مە پێدڤی ھەتا دو ھزار مامۆستایان ھەنە و پتر گرفت ل پەروەردا زاخۆیە، ئەڤ بۆشاھی ھاتیە پرکرن ب ھەفکاری ل گەل مامۆستایان وانەبێژ ئەڤ ڤالاھی ھەیە ھاتیە پرکرن.
عەبد یوسف گۆت ژی: ھێشتا ل سەر دەمێ عەبدولعەیز تەیب وەزیرێ پەروەردێ کار بۆ وێ چەندێ ھاتەکرن کو دەوامێن سێ قولی نەمینن و پێنگاڤ ھاتە ھاڤێتن و جھێ داخێ یە و پشتی دەە سالان نوکە ھژمارا دەمێن سێ قولی زێدەتر بووینە نوکە ٢٥ بوورینە، سێ ھوکار بووینە ئەگەر ئەڤە زێدەبن، نە ئاڤاکرنا قوتابخانان و زێدەبوونا قوتابیان و ھاتنا ئاواران، د بەرنامەی دابوو سەرۆکێ حوکمەتێ بریار دابوو ٥٠٠ قوتابخانێن ١٨ رێزی ل کوردستانێ بھێنە ئاڤاکرن، ژبەر قەیرانا و کێشێن دناڤبەرا کوردستانێ و بەغدا بوونە ھوکار ئەڤ قوتابخانە نەھێنە ئاڤاکرن، ب تنێ چەند رێکخراوێن سەر ب یونسێف ڤە ھژمارەکا کێما قوتابخانان ئاڤاکرینە، دیسان کەمپان ئاڤاکرینە و مە داخاز کریە ئەڤ قوتابخانە ژ ١٢ رێزی ببنە ١٨ رێزی. رێڤەبەرێ گشتیێ پەروەردێ ل پارێزگەھا دھۆکێ ھێشتا گۆت: ب فەرمانا وەزیرێ پەروەردێ دەرگەھێ ڤەگوھاستنا مامۆستان ژ پەروەردا دھۆک رۆژئاڤا بۆ رۆژھەلاتا ھاتیەڤەکرن و ب وی مەرجەی کو ١٢ سال خزمەتا ب دورستی ھەبن و تەمامکرن، چونکو ل چو وەلاتان نینە مامۆستا دڤێت بچیتە بەردەگەھێ خوە و ئەو کەسێ پێ چێ نەبیت و دڤێت کار بەرامبەر بەرژوەندا قوتابیان ل بەرچاڤ بھێتە وەرگرتن، نابیت مامۆستا بچیتە قوتابخانا بەردەرگەھێ خوە و وانا نەبێژیت، مامۆستا ھەبووینە بەری بھێنە ڤەگوھاستن بۆ خوە قوتابخانەکێ گەریایە کو بچیت وانا نەبێژیت و ھەتا نوکە پتر ژ دەهـ مامۆستان فەرمانا ڤەگوھاستنێ بۆ دەرکەفتیە کو ژ پەروەردا دھۆکێ رۆژھەلاتا بچیتە پەروەردا رۆژئاڤا و چونکە زانیت ئەگەر بچیت دێ وانا بێژیت. ئەو مامۆستا یێ دزڤریتە جھێ خوە ڤە و پەروەردا دھۆک رۆژھەلات، دیسان ب بریارا وەزارەتێ نابیت چو مامۆستان ژ ١٨ وانان کێمتر بێژن و دێ دووڤچوون ل سەر ھێتەکرن و یێ کێمتر بێژیت قەبوول نینە، مامۆستا د زێدەبن دو دێ چنە پۆلێ دا و رێڤەبەرێن سەرکەفتی ئەڤە بجھئینایە.
