مامۆستا و قوتابیێن ئامادەیی دشێن بچنە ئەمریکا
ئەڤرۆ نيوز:
وەزارەتا پەروەردێ ل حوکمەتا ھەرێما کوردستانێ پرۆگرامەکێ ھەڤپشک ل گەل رێکخراوەکا ئەمریکی راگەھاند و ئاشکرا کر کو بۆ دەمێ چار حەفتیان ھژمارەکا مامۆستا و قوتابیێن قووناغا ئامادەیی دێ چنە وەلاتێ ئەمریکا.
وەزارەتا پەروەردێ ل حوکمەتا ھەرێما کوردستانێ د مالپەرێ خوە یێ تایبەت دا دیار کریە کو رێکخراوا ئەمریکی یا بناڤێ world Learning پرۆگرامەک بناڤێ IYLEP بۆ گوھۆرینا ئاستێ رەوشەنبیریێ گەنجێن سەرکردە ل عیراقێ ھەیە و لبەرە ل وەرزێ ھاڤینا سالا 2016 ھژمارەکا مامۆستا و قوتابیێن قووناغا ئامادەیی بچنە وەلاتێ ئەمریکا.
ھەژی گۆتنێ یە کو وەزارەتا پەروەردێ ل حوکمەتا ھەرێما کوردستانێ رێنما بۆ وان مامۆستا و قوتابیێن دڤێن بچنە وەلاتێ ئەمریکا د مالپەرێ خوە یێ تایبەت دا بەلاڤکرینە.