لايه‌نێن سياسى ل هه‌له‌بچه رێكه‌فتن
ئه‌ڤرۆ نيوز:
ئه‌ڤرۆ لايه‌نێن سياسى ل هه‌له‌بچه بۆ پارڤه‌كرنا پۆستێن وێ پارێزگه‌هێ بێى پشكداريا پارتى كۆمبوون و گه‌هشتنه رێكه‌فتنێ.
ئه‌حمه‌د قه‌ده‌ڤه‌رى، سه‌رۆكێ شاندێ دانوستاندنكارێ ئێكه‌تى نشتيمانى كوردستان ل چارچۆڤێ كۆنفرانسه‌كێ رۆژنامه‌ڤانى دا كو پشتى كۆمبوونا ئه‌ڤرۆ يا لايه‌نێن سياسى ل ئاڤاهيێ مه‌لبه‌ندێ نوو يێ شاره‌زۆر يێ ئێكه‌تى نشتيمانى كوردستان ب رێڤه‌چوو، گۆت: “ئه‌ڤرۆ وه‌كو لايه‌نێن سياسى ل هه‌له‌بچه كۆمبووين بۆ پارڤه‌كرنا پۆستێن رێڤه‌به‌رێن گشتى و رێڤه‌به‌ريێن ناڤ ديوانا پارێزگه‌ها هه‌له‌بچه و ل دووماهيا كۆمبوونێ ژى ل سه‌ر سێ خالان پێكهاتين و مه ئيمزا ل سه‌ر كر”.
زێده‌تر گۆت: “ناڤه‌رۆكا رێكه‌فتنێ ژى پێكهاتيه ژ پێكئينانا لژنه‌كێ هه‌تا 6ى كانوونا ئێكێ كو هه‌موو پۆستێن رێڤه‌به‌رێن گشتى و رێڤه‌به‌ريێن ناڤ پارێزگه‌هێ ب گۆره‌ى رێژا ده‌نگان ب سه‌ر حيزبان دا بهێنه به‌لاڤكرن ئه‌وێن دێ پشكداريێ د حوكمه‌تا خوجهيا هه‌له‌بچه دا كه‌ن”.
ئه‌ڤ كۆمبوونا لايه‌نێن سياسى بێى پشكداريا پارتى ديموكراتى كوردستان هاته ئه‌نجام دان و هێشتا ل وێ ده‌ڤه‌رێ باره‌گايێن پارتى راده‌ستێ وان نه‌كرينه و د ده‌ستێ هێزێن ئه‌منى يێن وێ ده‌ڤه‌رێ دانه.
