ئێكگرتوو دێ پۆستێن خوه يێن پارێزگه‌هێ چاوان پڕ كه‌ت؟
ئەڤرۆ نیوز، سالار دۆسکی:
سەرۆکێ فراکسیۆنا ئێکگرتوو ئیسلامی کوردستان ل جڤاتا پارێزگەھا دھۆکێ دیارکر کو ھێشتا ئێکگرتوو بۆ جھێ سکرتێرێ جڤاتێ کەسەک دەست نیشان نەکریە و دیارکر کو پوستێن بەر ب ئێكگرتوو كه‌فتين دێ ب ھەلبژاتن دھێنە پڕکرن.
سەباح بابیری سەرۆکێ فراکسیۆنا ئێکگرتوو ئیسلامی کوردستان ل جڤاتا پارێزگەھا دھۆکێ بۆ ئەڤرۆ نیۆز گۆت: “ژڤان بوو دوهى ٢٥/١١/٢٠١٥ ئێکگرتوو ئیسلامی کوردستان ناڤێن بەربژێن خوە بۆ پوستێن بەرکەفتی پێشکێشی پارێزگەھێ بکەت و ئەو ناڤێن گرێدایی ب باوەریا جڤاتا وەزیران بلند بکەن و یێن گرێدایی ب دانا باوەریێ بۆ جڤاتا پارێزگەھێ بلند بکەن، ل دووڤ پێزانینا ئەو نڤیسار نەگەھشتیە پارێزگەھێ”.
سەباح بابیری ھێشتا ژی گۆت: “پوست ب دووماھی ھاتینە، ئێکگرتوو ب ھەلبژارتن پوست تژی کرینە، ھندەک ئەندامێن ئێکگرتوو نەرازیبوون ھەبوون و دبیت ئەڤە ئەگەرەک بیت نڤیسار گیروبوويه”.
ھەمبەر پوستێ سکرتێرێ جڤاتێ ژی کو بەر ب ئێکگرتوو کەفتیە، سەباح گۆت: “ھەتا نوکە ئەو پوست ئێکلانەبوویە کا چ کەس دێ وەرگریت و ئەو ژی دێ د ناڤبەرا ھەرسێ ئەندامێن ئێکگرتوو بیت ل جڤاتێ و ھەتا نوکە ب دووماھی نەھاتیە و دبیت ئەڤە ژی ئێك ژ ئەگەرێن گیروبوونێ بیت”.