میكانزما گهۆرینا تابلۆیێن ترۆمبێلێن فه‌رمانگه‌هێن حوكمه‌تێ ئاشكرا بوو
ئه‌ڤرۆ نیۆز، رێوار مزیرى:
رێڤه‌به‌ریا گشتى یا هاتنوچوونێ ل هه‌رێما كوردستانێ ل دۆر گهۆرینا تابلۆیێن ترۆمبێلێن فه‌رمانگه‌ه و سازیێن حكومى وه‌كو تابلۆیێن ترۆمبێلێن وه‌لاتیان رۆنكرنه‌ك به‌لاڤكر و میكانزما گهۆرینا تابلۆیێن ترۆمبێلێن فه‌رمانگه‌هان ئاشكرا كر ب تایبه‌تى ئه‌و تابلۆیێن ژماره (2) تێدا پێدڤیه بكه‌نه كوردى.
لیوا ڕزگار عه‌لى، رێڤه‌به‌رێ گشتى یێ هاتنوچوونا هه‌رێما كوردستانێ ئاشكرا كر كو ره‌فتار وه‌كو تابلۆیێن وه‌لاتیان دێ دگه‌ل تابلۆیێن فه‌رمانگه‌هێن حكومه‌تێ ژى هێته كرن و گۆت: “د قووناغا ئێكێ دا گهۆرین ب تنێ دێ د وان ترۆمبێلێن تابلۆیێن نوو وه‌ردگرن دا هێته كرن و پێدڤیه ژماران وان بۆ ژماره‌كا كوردى بهێته گهۆرین ب تایبه‌ت ئه‌و تابلۆیێن ژماره (2) تێدا”.
ناڤهاتى ئاماژه دا وێ چه‌ندێ كو ل قووناغا داهاتى تابلۆیێن دى یێن د ناڤ فه‌رمانگه‌هان دا ب هه‌مان میكانزم دێ هێنه گهۆرین و گۆت: ” مه‌زاختیێن گهۆرینا تابلۆیێن و نووكرنا وان بۆ تابلۆیێن نوو دێ ل سه‌ر فه‌رمانگه‌ه و سازى و وه‌زاره‌تان بیت”.