وه‌زاره‌تا دارايى روونكرنه‌كێ ل دۆر مه‌زاختنا مووچه و ده‌رمالێن فه‌رمانبه‌ران به‌لاڤ دكه‌ت
ئه‌ڤرۆ نيوز، نه‌وزاد زاده هلۆرى:
وەزارەتا دارایی و ئابووری یا حکومەتا ھەرێما کوردستانێ لسەر مەزاختنا موچە و دەرمالەیێن فەرمانبەرێن سەربازی ل وەزارەتا نافخوەیا ھەرێمێ رونکرنەک بەلاڤکر.
لگورەی ئەوێ رونکرنێ کو ب ئیمزا ” رابەر سەدیق ” بریکارێ وەزارەتا دارایی ب وەکالەت ئاراستەیێ ھەموو رێڤەبەریێن گەنجینەیێن ھەرێمێ ھاتینەکرن و ئاژانسا نافخو یا سەر ب وەزارەتا نافخوە یا حکومەتا ھەرێمێ بلافکریە ، و ل بارا چەوانیا مەزاختنا موچە و دەرمالەیێن فەرمانبەرێن ب شێوەیێ ” راژەی سەربازی ” یێن سەر ب میلاکێ وەزارەتا نافخوە ، و وەزارەتا دارایی رونکریە کو
ئێک : ل دەما وەرگرتنا مولەتێن کو د ھەردوو مادەیێن ( 31 و 32 ) ھاتینە موچە و دەرمالە دێ بڤی شێوەی بن.
1- ھەتا دەمێ ( 30 ) رۆژان دێ موچەیێ بنەرەتی و دەرمالەیێن ( باوەرنامە و ھەڤژینیی و زارو و مەترسی و پلە) ھێنە مەزاختن.
2- بو دەما زێدەتر ژ ( 30 ) رۆژان دەرمالەیێن ( مەترسی و پلە) دێ ھێنە برین ، بەلێ دەرمالەێن ( باوەرنامە و ھەڤژینی و زاروان) دێ ھێنە مەزاختن.
3- ل دەما وەرگرتنا مولەتێن ل سەری دەرمالەیێن خوارێ ل گورەی دەمێ مولەتێ دێ ھێنە برین ، و بوو نموونە .
4- ل دەما وەرگرتنا مولەتا ھەڤژینیێ کو ( 10 ) رۆژن ل گوری خالا ئێکێ یا ل سەری دێ مامەلە دگەل ھێتەکرن و بتنێ دەرمالەیا ( خوارنێ ) دێ ھێتە برین ، و ژبەرڤێ مولەتا ( دایکینیێ ) کو سالەکە ھەتا دەما ( 30 ) رۆژان موچەیێن بنەرەتی و دەرمالەیێن ( باوەرنامە و ھەڤژینیی و زارو و پلە) دێ ھێنە مەزاختن ، و بتنێ دەرمالەیا ( خوارنێ ) دێ ھێتە برین ، بەلێ بو دەما زێدەتر ژ ( 30 ) رۆژان دەرمالەیێن ( خوارن و مەترسی و پلە ) دی َھێنە برین.
دوو : ل دەما وەرگرتنا مولەتێن ( ئاسایی ، شاند ، گەشت و … ھتد ) تا دەمێ ( 30 ) رۆژان موچەیێ بنەرەتی و دەرمالێن جێگیرکری و دەرمالەیێن ( مەترسی و پلە ) دێ ھێنە مەزاختن ، بەلێ دەرمالەیێن ( خوارنێ ) دی َھێنە برین و ، و ل دەما زێدەتر ژ دەمێ دیارکری دەرمالەیێن ( خوارن و مەترسی و پلە ) دێ ھێنە برین.