نه‌زاهێ بڕيارا ده‌سته‌سه‌ركرنا وه‌زيره‌كێ كورد دا
ئه‌ڤرۆ نيوز:
ئه‌ڤرۆ رۆژا پێنجشه‌مبى ده‌زگه‌هێ نه‌زاهێ ل عيراقێ راگه‌هاند، فه‌رمانه‌كا نوو يا ده‌سته‌سه‌ركرنێ بۆ مه‌لاس محه‌مه‌د عه‌بدولكه‌ريم وه‌زيرێ بازرگانى يێ ژ كار لادايى و ئێك ژ رێڤه‌به‌رێن گشتى يێن وێ وه‌زاره‌تا ده‌رچوو.
ده‌زگه‌هێ نه‌زاهێ د به‌ياننامه‌كێ دا راگه‌هاند: “دادگه‌ها نه‌زاهێ فه‌رمانه‌كا نوو يا ده‌سته‌سه‌ركرنێ ل دژى مه‌لاس محه‌مه‌د عه‌بدولكه‌ريم وه‌زيرێ بازرگانيێ ژ سه‌ر كار لاداى و ئێك ژ رێڤه‌به‌رێن گشتى يێن وێ وه‌زاره‌تێ ده‌ركر”.
هه‌ر د به‌ياننامێ دا ئه‌وا ئه‌ڤرۆ نيوز خوه گه‌هانديه دانه‌كێ ژ وێ هاتيه: “ده‌ركرنا ئه‌وێ فه‌رمانێ ژ ئه‌گه‌رێ دوسيا برنجێ ئورگۆايى يه”.
مه‌لاس محه‌مه‌د عه‌بدولكه‌ريم كورده و ل سه‌ر ليستا وه‌ته‌نيه پۆستێ وه‌زيرێ بازرگانيا عيراقێ وه‌رگرتبوو، پێشتر ژ لايێ ده‌سته‌لاتا دادوه‌رى يا عيراقێ ياداشتنا ده‌سته‌سه‌ركرنا وى ده‌ركه‌فت بوو، پاداشت ژى ب گۆتنا عه‌بدولستار بريقدار ئاخفتنكه‌رێ ب ناڤێ ده‌سته‌لاتا دادوه‌ريێ ب گۆره‌ى هه‌ردو مادێن 310 و 319 ژ قانوونا سزايێن ژماره 111 يا سالا 1969ێ هاتيه دان.