چه‌كدارێن داعشێ دانپێدان ب شكه‌ستنا خوه دا
ئه‌ڤرۆ نیۆز:
ل گۆڕ ده‌نگۆباسێن ئه‌و ل مالپه‌رێن پشته‌ڤانیا چه‌كدارێن داعشا تیرۆرى دكه‌ن، هاتیه راگه‌هاند كو چه‌كدارێن داعشێ دانپێدان ب شكه‌ستنا خوه د شه‌رێ ده‌ڤه‌ا جرف السخرل پارێزگه‌ها بابل یا د ناڤبه‌را له‌شكرێ عیراقێ و چه‌كدارێن داعشێ دا كرن، هه‌ڤده‌م ئاشكراكرن له‌شكرێ عیراقێ چویه ده‌ڤه‌رێن فازلیه و عامریه یا فه‌لوجه.
هه‌ر وان ده‌نگۆباسان به‌لاڤكریه، چه‌كدارێن داعشێ خوه ژ هنده‌ك ده‌ڤه‌رێن جرف السخر ڤه كێشایه و له‌شكرێ حوكمه‌تا عیراقێ هاتینه دجهێ وان دا، وه‌زاره‌تا به‌ره‌ڤانیا عیراقێ ژى راگه‌هاند، له‌شكرێ عیراقێ ب رێیا پرا سه‌ردام یا دناڤبه‌را ده‌ڤه‌را كراگول و فازلیێ دا ده‌ڤه‌را فازلیه ئازادكرن، به‌رى هێرشكرنێ هێرشه‌كا توپبارنكرنێ ل بنگه‌هێن داعشێ كرن كو پرَانیا ده‌ڤه‌رێن جرف السخر هاتنه توپبارانكرن.
وه‌زاره‌تا به‌ره‌ڤانیا عیراقێ راگه‌هاند، دشه‌رێ جرف السخر و فازلیێ دا نێزیكى 20 تانك و زریپۆش و هه‌مرێن ئه‌مریكى یێن كه‌فتینه دده‌ستێن داعشێ دا هاتنه تێكشكاندن.