شڤێدى شه‌ڤا قیامه‌تا چه‌كدارێن داعشێ بوو
ئه‌ڤرۆ نیۆز:
وه‌زاره‌تا به‌ره‌ڤانیا عیراقێ راگه‌هاند، د هێرشا ئه‌سمانیا دوهى یا سه‌ر باژێرێ مووسل دا ب 75 چه‌كدارێن تیرۆرستێن داعشێ هاتن كوشتن و بریندار كرن، هه‌روه‌سا خوه‌یاكر، هژماره‌كا زۆرا ترۆمبێلین داعشێ ژى هاتنه ژناڤبرن.
كه‌نالێ فه‌رمى یێ عیراقێ ئه‌لعیراقیه د په‌یامه‌كێ ب له‌ز دا به‌لاڤكر، هێزێن هه‌ڤپه‌یمانیا نێده‌ولى دڕبه‌كێ كوژه‌ك داوه‌شانده هنده‌ك ئارمانجێن ده‌ستنیشانكرى كو ئێك ژوان نه‌خوشخانا (ئوم زوبان) ل قه‌زا به‌عاج ل رۆژئاڤایا مووسل كو چه‌كدارێن داعشێ تێدا هه‌بوون.
ل گۆر وان ده‌نگۆباسان 50 چه‌كدارێن داعشێ هاتن كوشتن و 15 ترۆمبێل ژى هاتنه سۆتن،
هه‌روه‌سا خوه‌یاكر، ئه‌و هێرشا مووسل زۆرت دژوار بوویه و كارگه‌هه‌كا چێكرنا مبومبان ژى ژ ناڤبرن و ل دوڤدا په‌قینێن گه‌له‌ك بهێز د عمبارێن وێ كارگه‌هێ دا په‌قین.
ژئالیه‌كێ دیڤه وه‌زاره‌تا به‌ره‌ڤانیا عیراقێ راگه‌هاند، ل فه‌لوجه تانكه‌ره‌كێ تژى (تى ئێن تى) هاته ژناڤبرن و په‌قاندن كو هاتبوو به‌رهه‌ڤكرن بۆ كاره‌كێ تیرۆرستى ل پارێزگه‌ها ئه‌نبار، زێده‌بارى هێرشكرنا ل سه‌ر بنگه‌هێن داعشێ كو 24 چه‌كدارێن داعشێ ب ره‌گه‌ز شیشانى تێدا هاتنه كوشتن.
په‌یڤدارێ بناڤێ پرۆسا له‌شكرى یا به‌غدا (سه‌عه‌د مه‌عه‌ن) گۆت: هێزا لیوا 60 ل ده‌ڤه‌را ئه‌لفرۆش ل سه‌ر سنۆرێ د ناڤبه‌را ئه‌نبار و به‌غدا دا 20 تیرۆرستێن داعشێ كوشتن.